Шәһри Казан

Башкалада хәрәкәтне «акыллы» светофорлар көйли

Казанда җәй айларына кадәр 41 урам-юл чаты адаптив светофорлар белән җиһазландырылачак.

Реклама

«Юл хәрәкәтен автоматлаштырылган тәртиптә ида­рә итү» муниципаль учреждениесе директоры Ринат Кә­лимуллин сөйләгәнчә, Казанда адаптив светофорларның беренче буыны 1985 ел­да кулланыла башлады. 2010 елдан башкала урамнары чатларына Италиядә SWARCO концернында җитештерелүче OMNIA системасындагы тагын да камильрәк адаптив светофорлар куярга керешелде. Әлеге светофорлар, транспорт ташкынына карап, хәрә­кәтне үзлегеннән көйләргә сәләт­ле. Мәсәлән, кайсы да булса бер яктан автомобильләр күпләп килә икән, яшел ут та шул як өчен озаграк янып тора. Светофор­лар­га җәмә­гать транспортына өстенлек бирүче прибор көйләнелгән.
Казанның К.Маркс һәм Горький урамнарына куелган «акыллы» светофорлар үз­ләрен уңай яктан таныткан. Шәһәр үзәгенә таба үткәрү­чәнлек - 21, ә транспорт чаралары тизлеге 18 процентка арткан. Халыкара статистикага караганда, адаптив светофорлар бөкеләрне киметә, атмосфера һавасының 20 процентка чистаруына, «пик сәгатьләрендә» юлдагы вакытның 25 процентка кыскаруына китерә.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: