Беренчел нәтиҗәләр: Рөстәм Миңнеханов өчен 97,2 процент сайлаучы тавыш биргән

Бу хакта Үзәк сайлау комиссиясе рәисе Әгъзам Гобәйдуллин хәбәр итте.

Сайлауларда 97,79 процент сайлаучы катнашкан. 21.00 сәгатькә 3,14 процент протокол эшкәртелгән.

- Бу әле беренчел нәтиҗәләр генә. Эш дәвам итә, иртәнгә таба төгәл нәтиҗәләр билгеле булачак, - диде ул бердәм мәгълүмат үзәгендә
журналистларга.

Рөстәм Миңнехановның "көндәш"ләре шактый калыша: Хафиз Миргалимов өчен 1,3 процент, Рушания Билгилдеевага - 0,6 процент, Руслан Йосыповка 0,37
процент сайлаучы тавыш биргән.

Азнакай һәм Кайбыч районнарында Татарстанның хәзерге җитәкчесен 100 процент сайлаучы хуплаган.

- Татарстанлылар республикага ышана. Бу сайлауның төп нәтиҗәсе, - диде Рөстәм Миңнеханов үзе "Казан-Арена" стадионыда бердәм сайлау көне
уңаеннан оештырылган бәйрәмдә. - Гражанлык позициясе өчен һәркемгә, миңа ышанган һәр сайлаучыга рәхмәт әйтәсем килә. Хакимият системасы зур
ышанычка ия булды. Бу безгә зур җаваплылык өсти. Иң мөһиме - тормыш сыйфаты һәм тынычлык. Россия Федерациясе ярдәме белән без яңа уңышларга
ирешәчәкбез. Татарстан лидер һәм лидер булып калачак та.