Шәһри Казан

Бәхетле гаилә – ил бәхете

Татарстан башкаласы - Казанның үрнәк сыйфатта дөньяга таныла баруының сере нәрсәдә? Моның сере - икътисадны, мәдәниятне үстерүгә тырыш хезмәт кертүче, халыкара һәм динара дуслыкны саклауга җаваплы караучы гаиләләрдә - Казан гаиләләрендә.

Гаилә, мәхәббәт һәм тугрылык көнендә, ягъни 8 июльдә башкалада «Казан - бәхетле гаиләләр шәһәре» конкурсы старт ала. Өч номинациядә барачак конкурска 23 сентябрьдә «Татарстан гаиләләре - 2017» фестивалендә йомгак ясалачак.

Шәһәр Башкарма комитетының балалар һәм яшьләр эшләре буенча комитеты хәбәр итүенчә, конкурс «Спортчы гаилә», «Интеллектуаль гаилә» һәм «Иҗади гаилә» номинацияләрендә оештырыла. «Яшь гаилә», «Күп балалы гаилә», «Хезмәт династиясе» махсус номинацияләрендә дә бүләкләр тапшырылачак.

Спортчы гаилә 12 августта «Күңелле стартлар» спорт бәйгесендә ачыкланачак. Интеллектуаль гаиләне 19 августта «Что? Где? Когда?» уены нәтиҗәләре ачыклаячак. Иҗади гаилә 26 августта үзләренең креатив һәм ялкынлы чыгышларын тәкъдим иткәндә күренәчәк.

Конкурста катнашу теләге белдерелгән гаризалар 2375992@bk.ru электрон адресына 31 июльгә кадәр кабул ителә. Бәйгеләрдә Казанда рәсми никах белән яшәп, балалар үстерүче Россия гражданнары катнаша ала.

Бәйге кысаларында 7 августта «Казан - бәхетле гаиләләр шәһәре» акциясе дә башлана. Оештыручылар Инстаграм һәм Вконтакте социаль челтәрләреннән актив файдаланучыларга үзләренең аккаунтларында #казаньгородсчастливыхсемей тегы белән үзләренең гаиләләре фоторәсемнәрен урнаштырырга тәкъдим итә. Бәхетле гаилә булу сере нәрсәдә? Фоторәсем кырыенда шушы сорауга җавап та бирергә кирәк. Акциядә катнашучылар конкурсның финалына чакырыла, җиңүчеләрне бүләкләр көтә. Акция 30 августка кадәр бара.

Реклама


8 июль - Гаилә, мәхәббәт һәм тугрылык көне

Гаилә - безнең өчен тормышта бик мөһим. Ул бер-береңне яратырга, хөрмәт итәргә, якыннарың турында кайгыртырга өйрәтә, авырлыклар килгәндә, көч бирә. Нәкъ менә гаиләдә өлкән буыннан яшь буынга рухи һәм әхлакый кыйммәтләр, милли-мәдәни традицияләр тапшырыла. Гаилә тарихы һәм кешеләр язмышы елъязмачылары булып менә инде 100 елга якын ЗАГС органнары хезмәткәрләре тора.

Июльнең бу бәйрәм көннәрендә Татарстаныбызның барлык шәһәр һәм районнарында киң масштаблы, олы мәгънәле чаралар планлаштырылган. Форсаттан файдаланып, республикабыз халкын һәм килгән кунакларны аларда катнашырга чакырам.

Кадерле дуслар, сезнең барыгызны да ихластан Гаилә, мәхәббәт һәм тугрылык көне белән котлыйм. Гаилә учагыгызның җылысын саклавыгызны телим. Һәр гаиләдә тынычлык, мәрхәмәт һәм мәхәббәт яшәсен!

Татарстан Республикасы Министрлар Кабинеты ЗАГС идарәсе башлыгы Айгөл Шәвәлиева.


Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    421
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    305
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    353
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    29
    0
    1