Казан кунакчыл шәһәр

Oktogo.ru мәгълүматларына караганда, Яз һәм хезмәт бәйрәмнәрендә россиялеләр Казанга уртача 3 көнгә барган һәм кунакханәдә яшәгән өчен 2,6 мең сум сарыф иткән. Чагыштыру өчен, Мәскәүдә туристлар яшәү өчен тәүлегенә уртача 2,9 мең сум түләгән, ә Санкт-Петербургта - 3,4 мең сум биргән.

Россия онлайн-броньлау сервисы, май бәйрәмнәрендә россиялеләрнең ялына нәтиҗә ясап, иң популяр шәһәрләрне ачыклаган. Казан май бәйрәмнәрендә Россия буенча сәяхәтләр өчен кулай шәһәрләр өчлегенә кергән. Бүген дә Казаныбызда туристлар рәхәтләнеп ял итә. Болгар тыюлыгына, Зөя утрау шәһәрчегенә сәяхәт кыла.