Кырым белән Сочига баручы туристлар саны арткан

Туристлар арасында Россиядә быел Кырым һәм Сочи юнәлешләре популяр, ә чит илләр арасында - Төркия, дип хәбәр итә "Татар-информ" "ТАСС" агентлыгына сылтама белән. 2017 елның 1 гыйнварыннан 1 июленә кадәр Краснодар крае һәм Кырымда 536 374 мең турист ял иткән. Бу күрәсткеч узган елгыныкыннан 92 процентка күбрәк.

Чит илләр рейтингында Төркиядән соң, Греция, Кипр, Испания, Болгария, Тунис һәм Италия килә. "Ничек кенә булмасын быел Төркияне беркем дә куып тота алмаячак", - дип белдерәләр Туроператорлар ассоциациясендә.