Лаеш районында «Татарстанда кыр көне – 2019» күргәзмәсе була
2-4 июльдә Лаеш районында кыр форматында «Татарстанда кыр көне – 2019» күргәзмәсе уза. Татарстан Президенты Рөстәм Миңнеханов катнашында рәсми ачу тантанасы 2 июльдә була, чара барышында муниципаль районнар башлыклары һәм республика кунаклары катнашучыларның экспозицияләрен, стендларын карап чыгачак, Татарстан һәм Россия төбәкләре агросәнәгать комплексының яңалыклары белән танышачаклар, дип хәбәр итә Татарстан Авыл хуҗалыгы һәм азык-төлек министрлыгы матбугат үзәге.
2-4 июльдә Лаеш районында кыр форматында «Татарстанда кыр көне – 2019» күргәзмәсе уза. Татарстан Президенты Рөстәм Миңнеханов катнашында рәсми ачу тантанасы 2 июльдә була, чара барышында муниципаль районнар башлыклары һәм республика кунаклары катнашучыларның экспозицияләрен, стендларын карап чыгачак, Татарстан һәм Россия төбәкләре агросәнәгать комплексының яңалыклары белән танышачаклар, дип хәбәр итә Татарстан Авыл хуҗалыгы һәм азык-төлек министрлыгы матбугат үзәге.
Чараның максаты – Татарстан һәм Россия төбәкләре аграрийларының төбәкара багланышларын ныгыту, җитештерүчеләр, товарлар белән тәэмин итүчеләр һәм авыл хуҗалыгы продукциясен кулланучылар арасында эшлекле элемтәләр урнаштыру.
«Кыр көне – 2019» күргәзмәсе «Үсемлекчелек», «АПКны инженер-техник тәэмин итү», «Терлекчелек», «Мелиорация», «Кече хуҗалыклар» кебек бүлеклрдән тора.
Күргәзмә эше көннәрендә килүчеләргә уңайлы булсын өчен «Җиңү проспекты» метро тукталышыннан (Дан Скверы) ягыннан Лаеш районы кырына кадәр трансфер оештырыла. Түләүсез автобуслар һәр 30 минут саен килеп-китеп торачак.
Уздыру урыны – Лаеш районы, Олы Кабан авылы. Килүчеләр өчен күргәзмәгә керү түләүсез.
Фото: agro.tatarstan.ru
Комментарийлар