Шәһри Казан

Рөстәм Миңнеханов: «Хәтта министрлар арасында да керемнәр турында дөрес булмаган мәгълүматлар тапшыручылар булуы ачыкланды»

Реклама

Бүген Татарстан Президенты Рөстәм Миңнеханов Казан Кремлендә республиканың ришвәтчелеккә каршы көрәш комиссиясе утырышын уздырды. Анда узган елга нәтиҗәләр ясалды һәм 2017 елга планнар турында сөйләштеләр.

Узган ел Татарстан буенча Эчке эшләр министрлыгы һәм башка хокук саклау органнары тарафыннан коррупция юнәлешендәге 1038 җинаять эше ачыкланган. Шуларның 157 се ришвәт алу белән бәйле. Китерелгән гомуми зыян 646 млн сумны тәшкил итә. 323 кешегә карата җинаять эше ачылган. Мәсәлән, узган елның 22 сентябрендә "Балык Бистәсе" муниципаль унитар предприятие җитәкчесе өч елга ирегеннән мәхрүм ителгән. Аның законсыз рәвештә килешүләр эшләве нәтиҗәсендә, предприятие банкротлыкка чыккан.

Татарстанның Исәп-хисап палатасы тарафыннан 13 министрлык һәм ведомствода, республиканың 19 районында, 494 учреждение һәм оешмасында контроль чаралар оештырылган. Дисциплинар җаваплылыкка 74 җитәкче тартылган.
Җитәкчеләрнең шәхси кызыксынуын башлангыч этапта ук ачыкларга һәм каршылыклар килеп чыкмаслык итәргә кирәк. Узган ел нәтиҗәләре монда эшнең күп булуын күрсәтте. Хәтта министрлар арасында да керемнәр турында дөрес булмаган мәгълүматлар тапшыру, кызыксыну каршылыклары булуы ачыкланды, - диде Президент.

Татарстан Президентының коррупциягә каршы сәясәт сораулары буенча Идарәсенең баш киңәшчесе Салават Рәхимов әйтүенчә, җир белән бәйле мәсьәләләр - ришвәтчелек очракларында иң еш очрый торган өлкә. Шундый төр закон бозу очракларында 40 тан артык авыл җирлеге башлыгының катнашы барлыгы ачыкланган.
Бу хакта Рөстәм Миңнеханов та әйтте.
Кайбер район башлыкларының җир кишәрлекләрен законсыз файдалануы билгеле булды. Шул ук вакытта аукцион процедуралар бозыла яки бөтенләй кулланылмый. Ә бүлеп бирелгән кишәрлекләр эш буенча файдаланырга өлгерми кала. Нәтиҗәдә җинаятьләр саны арта һәм социаль киеренкелек барлыкка килә. Бу очракта шунысына басым ясап әйтәм: һәр нәрсәне үзеңнән башларга кирәк, - диде Президент.

Татарстан Президентының коррупциягә каршы сәясәт сораулары буенча Идарәсенең оештыру бүлеге мөдире Алексей Панкратов әйтүенчә, узган ел республиканың өч районында зур тикшерүләр булган. Балык Бистәсе, Биектау һәм Алексеевск районнарында коррупция белән бәйле закон бозу очракларының күп булуы ачыкланган.
Җир кишәрлекләре мәсьәләсендәге кимчелекләрдән тыш, балалар бакчалары төзелеше вакытында закон бозу очраклары ачыкланды. Республикада мәктәпкәчә белем бирү учреждениеләрен төзүгә бик күп акчалар бүлеп бирелә. Әмма соңрак бу өлкәдә акчаларны максатчан кулланмау, урлау фактлары билгеле була. Мәсәлән, бер бакча куллануга тапшырылган. Ләкин ул үз ишекләрен ачып эшли башлагач, шактый гына кимчелекләр булуы билгеле була. Янгын куркынычсызлыгына җавап бирми, мәсәлән. Аларны төзәтү өчен әти-әниләрдән акча җыюлар башлана. Шулай да Татарстан - иң начар төбәк түгел. Безнең ришвәтчелеккә каршы көрәш чаралары башка төбәкләрдә дә үрнәк итеп күрсәтелә, - ди ул.

Журналистларның "Шулай да кайсы районда коррупция күбрәк?" - дигән соравын ул:
Ришвәтчелек һәр җирдә дә бар, аерма шунда гына - кайдадыр ул күбрәк, ә кайдадыр азрак, - дип җаваплады.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    190
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    575
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    320
    2
    2