Рөстәм Миңнеханов Казан Сабан туенда районнар оештырган мәйданчыкларга югары бәя бирде

Мирный бистәсе Каенлыгында уза торган Сабан туе бәйрәмендә Татарстан Республикасы Президенты Рөстәм Миңнеханов та катнашты, дип хәбәр итә Татар-информ.
Татарстан Республикасы Президентын Айдар Фәйзрахманов җитәкчелегендәге Татар дәүләт фольклор ансамбле каршы алды. Рөстәм Миңнеханов,Казан шәһәре мэры Илсур Метшин татар милли ризыгы чәк-чәктән авыз итте.

Елдагыча, һәр район үз мәйданчыгын оештырган. Рөстәм Миңнеханов беренче булып Кукмара муниципаль районы мәйданчыгына керде һәм оештыруны югары бәяләде.