“Рөстәм Миңнехановның сайлауларда мөмкин кадәр күбрәк тавыш җыячагына ышанам”

- Татарстан Президенты вазыйфаларын вакытлыча башкаручы Рөстәм Миңнеханов уздырылачак Татарстан Республикасы Президентын сайлауларда мөмкин кадәр күп тавыш җыячагына ышанам, - диде белдерде "Бердәм Россия" Бөтенроссия сәяси партиясенең төбәк бүлеге бинасында узган матбугат конференциясендә Татарстан парламенты Рәисе һәм әлеге партиянең сәяси совет җитәкчесе Фәрит Мөхәммәтшин. - Бу аңарга түгел, ә күбрәк безгә кирәк: татарстанлыларның аңа ышанычын күрсәтү өчен. Республиканың беренче Президенты Минтимер Шәймиевтән соң үсештә булган республиканы җитәкләп һәм аның тагын да зуррак үсешен тәэмин итү бик зур тырышлык, белемнәрнең күп булуын таләп итә, - дип белгеләп үтте Дәүләт Советы Рәисе.

"Бердәм Россия" сәяси партиясе төбәк бүлегеннән Татарстан Президенты сайлауларына тәкъдим ителгән кандидатның программасы Татарстанның 2030 елга кадәр үсеше программасына нигезләнгән булачак.

- Бу программа республиканың социаль мөмкинлекләре һәм кеше белән бәйле. Аның нигезендә, Татарстанда эшләү һәм яшәү күпкә кызыклырак булачак, - диде Фәрит Мөхәммәтшин, дип яза "Татар-информ".

^{Фото: tatarstan.er.ru}