Татарстандагы гарасат нәтиҗәләре коточкыч: хәтта гомере өзелүче дә бар

Яшел Үзән районында давыл аркасында зыян күрүчеләр бар, дип хәбәр иткән идек, ә Мөслим районында тагын да аянычрак хәл килеп чыккан.  “Находка” кибетенең түбәсе килеп төшеп, әлеге кибеттә эшләүче 35 яшьлек кибетченең гомере өзелгән.  

Шулай ук бүген Казанда булып узган көчле давыл нәтиҗәсендә Тинчурин театры сәхнәсе түбәсенең бер өлешенә зыян килеп, алар афишаларын үзгәртергә мәҗбүр булганнар.

Бүгенгә билгеләнгән «Гомер буе сине көтәм» спектакле 14 июньгә күчерелгән.

Моннан тыш, 31 май, 3, 4 июнь көннәренә билгеләнгән спектакльләр дә башка көннәргә күчерелә.

Давыл әле бүген һәм иртәгә дә көтелә. Шунлыктан сак һәм игътибарлы булсак иде.

Фото: Татар-информ