Ял көннәрендәге кызыклы чаралар исемлеге
Биредә сез ял көннәрен истә калырлык итеп үткәрү өчен кызыклы чаралар исемлеге белән таныша аласыз.
Биредә сез ял көннәрен истә калырлык итеп үткәрү өчен кызыклы чаралар исемлеге белән таныша аласыз.
Узышлар
Шимбә һәм якшәмбе көннәрендә "Казан-Ринг" трассасында зур узышлар булачак. Биредә Россиянең иң кызу пилотлары ачыкланачак. Ярышның төп геройлары арасында Татарстан командалары - "Таиф Моторспорт" һәм СТК "Чынгыстан" да бар.
Вакыты: 17 сентябрьдә - сәгать 13:00 дә, 18 сентябрьдә - сәгать 11:00 дә
Китап ярминкәсе
Шәхси китапханәгезне яңа әдәбият белән тулыландырасыгыз килсә, шимбә көнне Университетская урамындагы «Циферблат»ка килегез. Биредә балалар китаплары, заманча проза, классика, уку-укыту әдәбияты, фантастика һ.б. жанрдагы әсәрләр табарга мөмкин.
Вакыты: сәгать 14.00-18.00 дә
Цирк
17 сентябрьдән 16 октябрьга кадәр Казан циркы "Судагы цирк" дип аталган яңа программага чакыра. Программада - төрле төстәге водопадлар һәм музыкаль фонтаннар, суда лазерлы һәм экзотик хайваннар шоулары.
Вакыты: шимбә - сәгать 17.30 да, якшәмбе - 14.00 дә
Тынычлык һәм килешү көне
17 сентябрьдә Горький паркында Халыкара тынычлык һәм килешү көненә багышланган зур бәйрәм чарасы узачак. Бәйрәмдә артистлар чыгышы һәм төрле уеннар булыр дип көтелә.
Вакыты: сәгать 11.00 дә
Якшәмбе көннең төп бәйрәм чарасы исә - "Казан-Арена"да узачак зур концерт. Бәйрәмнең төп кунагы - Сергей Лазарев. Аңардан кала концертта тагын җырчы һәм композитор Игорь Николаев та чыгыш ясаячак. Чарага сайлау участокларында бирелгән браслетларны күрсәтеп керергә кирәк булачак.
Вакыты: сәгать 20.00 дә
RockestraLive
RockestraLive симфоник шоуы иң танылган рок төркемнәрен бер сәхнәгә җыя. "Эрмитаж" концерт холлында соңгы ун елдагы легендар рокк-төркемнәренең танылган җырлары яңгыраячак.
Вакыты: сәгать 19.00 дә
Болардан тыш, башкаланың К.Тинчурин исемендәге драма һәм комедия театры да үз тамашачыларын көтеп кала. Биредә шимбә көнне сәгать 11.00 дә - "Шашкан бабай" абсурд комедиясен, М. Фәйзи исемендәге Оренбург дәүләт татар драма театрының "Ул бит кичә иде" лирик комедиясен (сәгать 17.00дә), якшәмбедә М. Шкетан исемендәге Мари милли драма театрының "Туй коймаклары" (сәгать 11.00 дә) комедиясен карарга мөмкин.
Моннан тыш, 15-21 сентябрь көннәрендә Казанның «Мир» кинотеатрында Россия-Италия кинофестиваленнән иң яхшы фильмнар да күрсәтеләчәк.
Вакыты: сәгать 19.00 дә
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар