Шәһри Казан

Ялларда кая барырга?

Бүген 7 декабрьдә Кремль яры буенда яңа ел ярминкәсе ачыла.

Үзәк чыршы янында төрле сувенирлар, бүләкләр, тәм-томнар сатыла торган ызбалар эшли башлаячак. Кыш көне Кремль яр буе бер әкияти гүзәл урынга әйләнә.

Меңләгән ут, төрле төсле гирляндалар, бәйрәм мохите, музыка, балалар тавышы... Тиздән биредәге Әкият шәһәрчеге, иң озын шугалак та тулы көченә эшли башлаячак. Татарстан тарихы музеенда сирәк очрый торган хайваннарны, гадәти булмаган табигать күренешләрен күрергә мөмкин. Биредә Россиядәге иң борынгылардан саналган Әстерхан биосфера тыюлыгының  100 еллыгына багышланган фотокүргәзмә оештырылган. Күргәзмә 15 декабрьгә кадәр дәвам итәчәк. 

Реклама

Үзебезнең Казан зоопаркы да бу атнада 212 еллыгын билгеләп үтә. 8 декабрьдә бу уңайдан анда бәйрәм уздырырга җыеналар. 

«Горки парк» сәүдә үзәгендә 7 декабрьдә баллы кәнфитләр иленә сәяхәткә барырга мөмкин. Монда интерактив квест, шарлар шоуы, башка күп кенә кызыклы уеннар көтелә. Ялларыбыз имин, тыныч узсын.

Нравится
Поделиться:
Реклама
Комментарии (0)
Осталось символов: