#Төрлесе 06 март 2025, 12:24

Кимерүчеләр курка торган исләр

06 март 2025, 12:24

Бакчачылар киләсе сезонга әзерләнә башлады. Бакчаларда, бакча йортларына күселәр, башка кимерүчеләр кермәсен, язын түтәлләргә зыян салмасын өчен алар белән көрәшне февраль аенда ук башларга киңәш ителә.

Скопировать ссылку

Сүз уңаеннан, исле сыеклыклар кимерүчеләргә каршы бик яхшы көрәш чарасы булып исәпләнә. Мисалга, аш серкәсе. Шулай ук дегет һәм Вишневский мае. Бу составларны агач пычкысына, мамыкка, иске чүпрәкләргә сеңдереп, өйнең периметры буйлап куярга кирәк.

Гөлбадран да яхшы нәтиҗә бирер. Аның чәчәкләрендә көчле камфор исе бар, аны тычканнар өнәп бетерми. Сарымсак турында да шуны ук әйтергә була.
Агач көлен дә кулланырга була, өстәвенә бу яхшы ашлама да. Шулай булгач, язын аның белән түтәлләргә һәм чәчәклекләргә сибегез. Көлнең сере – исендә түгел, ә аның химик составында. Кимерүчеләрнең аякларына эләккәч, ул селте кебек тәэсир итә. Юкка гына элек аның белән кер, майлы савыт-саба юмаганнар, аны хәтта күн ясау өчен дә кулланганнар.

Фото: ru.freepik.com

Кызыклы яңалыкларны күзәтеп бару өчен Т елеграмга кушылыгыз.