«Балаларның кечкенәдән эшләгәннәрен күрү – үзе бер рәхәт»

Әтисе белән сөйләшәбез.
- Быел җәй башында хатынымның әти-әниләре Борисоглебск бистәсеннән ерак түгел җәйге бакча алганнар иде. Авылны яраткан шәһәр кешесе өчен дача иң кулае бит инде ул. Авыл тормышы сагындырса, ял итәргә, саф һава суларга, җирдә казынырга бирегә киләбез. Әле менә мунча ягып җибәрдек, ишеге начарланган иде, яңасын ясап маташам. Улым ярдәм итә. Балаларны кечкенәдән эшкә өйрәтеп үстерергә кирәк, хезмәтнең тәмен, үзе ясаган әйбернең кадерен балачактан ук белеп үссеннәр. Дүрт яшьлек кызым Азалия дә әнисенә аш-су әзерләргә булыша. Аларның кечкенәдән эшләгәннәрен күрү - үзе бер рәхәт, - диде Радик.