#Төрлесе 18 июля 2017, 13:14

Бер җавабы һәм кыланмышы белән шаккатырган Алинә Бәширова тормышка башкача карый башлаган

18 июля 2017, 13:14

Татар эстрадасы белән кысыксынучыларга Алинә Бәширова яхшы таныш. Заманында журналистларга биргән бер интервьюда: "Йокларга, шоколад ашарга һәм секс белән шөгыльләнергә яратам, - дип шаккатырган иде ул. Гадәттә, татар эстрадасынага тыйнаклык хас, мондый җавап көтелмәгән хәл булды һәм тәнкыйть утына тотылды.

Скопировать ссылку

Бер җавабы һәм кыланмышы белән шаккатырган Алинә Бәширова тормышка башкача карый башлаган

Моның белән бәйледерме, юктырмы: соңгы арада Алина сәхнәдән югалды. Аның хәлен белешеп, элемтәгә чыктык.

- Бар да әйбәт. Башым белән декрет ялына чумдым. Əмирә кызыма хәзер 3 яшь. Һәр көн диярлек кечкенәләр өчен махсус үсеш мәктәпләренә йөрибез. Тиздән бию түгәрәгенә бирмәкчемен. Əмирәм белән горурланам: бик күп шигырьләр белә, миңа ияреп җырлый. 4 яшьтән чит телләр өйрәнә башларга иде. Ə көзен - балалар бакчасы...

- Димәк, тиздән декреттан чыгасыз инде?
- Юк, тагы бәби көтәбез. Көзен икенчегә әни булачакмын, Алла боерса. Иҗатка бөтенләй дә вакыт юк. Шуңа әлегә бернинди планнар да кормыйм.

- Бала караучыгыз юкмы?
- Юк, сез нәрсә?! Үзем тапкан баланы үзем тәрбиялим. Үз бурычымны ник башкаларга йөкләргә?! Няняга түгел, әти-әниемә дә калдырган юк. Иремә 2-3 сәгатькә калдырып китә алам, әмма бик сирәк очракта. Балам коерык кебек, миннән калмый да. Миңа калса, хатын-кыз беренче чиратта, хатын һәм әни булырга тиеш. Карьера, популяр җырчы булу - соңыннан, башта мөһимрәк статусларда уңышка ирешәсе иде.