Шәһри Казан

Метроның икенче линиясе төзелә башлый: ул Совет һәм Яңа Савин районнарына да килеп җитәчәк

Метроның икенче линиясен төзүне агымдагы айда башларга җыеналар. Ул үз эченә шәһәрнең биш районын: Идел буе, Совет, Яңа Савин, Мәскәү һәм Киров районнарын алачак.

«Татарстанның баш инвестиция-төзелеш идарәсе»ннән хәбәр итүләренчә, яңа метро юлы пассажирлар күп йөри торган урыннарда, төгәлрәге, Фучик ур. – Ак. Сахаров ур. – Космонавтлар ур. (Совет мәйданы) – Компрессор заводы – “Казан-Арена” футбол стадионы – Чуйков ур. – Волгоградский ур. – Восстания ур. аша үтәр дип көтелә.

– Казан метрополитенының икенче линиясе 12 станциядән һәм 19,98 чакрым озынлыктагы 11 аралыктан торачак. Аларны төзү эше берничә этапта алып барылачак, – дип сөйләделәр безгә идарә белгечләре.

Беренче этап үз эченә дүрт станцияне сафка бастыруны ала. Аның беренче участогын «Фучик» метро станциясеннән (Зорге-Фучик урамнары киселеше) башлап, «Сахаров» метро станциясенә (Җиңү проспекты-Альберт Камалиев урамы киселеше) кадәрге арада төзергә җыеналар. Беренче участокның озынлыгы 5,37 чакрымны тәшкил итәчәк («Фучик», «10 нчы микрорайон», «Ломжинская», «Сахаров»).

– Икенче линиянең беренче участогы буенча инженер-геологик эзләнүләр алып барылды. Бүгенге көндә «Татарстанның баш инвестиция-төзелеш идарәсе» белән «Татинвестгражданпроект» дәүләт унитар предприятиесе арасында территорияне планлаштыру һәм межалау буенча дәүләт килешү төзелде. Төзелеш мәйданчыгын койма белән әйләндереп алырга һәм «Сахаров» станциясен төзү зонасынннан инженер коммуникацияләрне чыгарырга рөхсәт бирә торган документларны рәсмиләштерү өстендә эшлибез, – дип хәбәр иттеләр «Татарстанның баш инвестиция-төзелеш идарәсе»ннән.

Белгечләрдән без «Сахаров» метро станциясенең кайда урнашачагы турында да сораштык. Аларның сүзләренчә, ул Альберт Камалеев проспекты буенча «Мега» сәүдә үзәге каршында булачак. «Сәүдә үзәге метро станциясен төзү өчен акча бирәчәкме?» сорауга, Татарстанның Министрлар Кабинеты белән «ИКЕА МОС (Торговля и Недвижимость)» җаваплылыгы чикләнгән җәмгыять арасында Казан метрополитены станциясен һәм сәүдә үзәге янында җәяүлеләр кичүен төзү буенча ниятләр турында килешү төзелде, дигән җавап алдык.

Реклама

Метро төзелеше эшләре барганда юлларның бер өлешен ябарга туры килгәнлектән, Казанның транспорт схемасына үзгәрешләр кертеләчәк.

Халык зарыгып көткән унберенче – яңа «Имәнлек» станциясенә килгәндә, анда бүгенге көндә эшләр тәмамлануга таба бара. Ул 2018 елның маенда ачылыр дип көтелә. Хәзерге вакытта анда автоматика, сигнализация һәм элемтә системасы буенча монтаж эшләре бара. 1 һәм 2 нче вестибюль бинасында, баскыч мәйданчыкларында эчке эшләр эшләнә.

Казанда беренче линия метро станцияләре 1997 елда төзелә башлап, 2005 елның 27 августында – башкаланың меңьеллыгы бәйрәм иткән көннәрдә ачылды. Аңа барлыгы ун станция керә. Гомуми юл озынлыгы – 17,2 чакрым, файдалану юл озынлыгы – 15,8 чакрым.

Казан метросында Авиатөзелеш районыннан Идел буе районының Җиңү проспектына кадәр 24 минутта барып җитеп була.
Метрода аена якынча 100 мең кеше йөри.

Казан метросы тарихына килгәндә, ул – Россиядә иң яшь метрополитен. Аны төзү идеясе 1930 елларда ук барлыкка килгән. Әмма СССР вакытында метроны миллионлы шәһәрләрдә генә төзегәннәр. Ә Казанда миллиончы кеше 1979 елда гына туган.  Чынлап торып төзелеш эшләрен башлау омтылышлары 1983 һәм 1988 елда була. Әмма ул чорда, икътисади кризис булу аркасында, яңа метрополитеннар төзелми. 1997 елда гына федераль программага Казан метрополитенын төзү планы кертелә.

Нравится
Поделиться:
Реклама
Комментарии (0)
  • 23 апрель 2018 - 17:22
    15 майга кадәр шашлык кыздыру тыела?! Алда май бәйрәмнәре. Күп кешеләр, әлбәттә, табигать кочагында ял итү, шашлык яки уха пешерү турында планнар коргандыр. Кызганыч, ачык һавада учак кабызу, шашлык кыздыру кебек гамәлләрне вакытлыча кичектереп торырга туры килә.
    130
    0
    0
  • 23 апрель 2018 - 16:23
    ТМТВ премиясен тапшыру тантанасы: кемгәдер харизма, кемгәдер алкышлар җитмәде Узган шимбәдә “Пирамида” концертлар залында “ТМТВ татар музыкаль телеканалы премиясе”н тапшыру тантанасы узды.
    231
    0
    0
  • 23 апрель 2018 - 16:04
    Чия бәлеше пешерү ЫСУЛЫ Аның өчен 200 гр сыер мае, 1 йомырка, ярты стакан шикәр комы, 2 стакан он, 1 аш кашыгы каймак, 1 чәй кашыгы көпшәкләндергеч (разрыхлитель), 2 аш кашыгы крахмал, 600 гр чия (катырылган да ярый), 2 аш кашыгы шикәр пудрасы кирәк.
    78
    0
    0
  • 23 апрель 2018 - 15:21
    10 кубокның яртысы – Зариповныкы?! Спортка артык мөкиббән китмәсәм дә, соңны көннәрдә «Ак Барс» - ЦСКА, Гагарин кубогы дигән сүзләр бик еш колакта яңгыраганга, ял көнне кичке биштә телевизорны кабызып куярга булдым. Янәсе, өй тирәсендә кайнаган вакытта комментаторларның такылдавы менә дигән интершум булачак.
    134
    0
    1
  • 23 апрель 2018 - 11:29
    Гөлүсә һәм Наил Насыйбуллиннар: «Үзең эшләгәч, акча да янга кала» Гөлүсә һәм Наил Насыйбуллиннар гаиләсе туганга – 29 ел. Алар дүрт бала тәрбияләп үстергән. Өчесенең инде үз гаиләләре барлыкка килгән. Насыйбуллиннарның биш оныгы бар.
    310
    0
    3
  • 22 апрель 2018 - 14:07
    «ТМТV» премиясен тапшыру тантанасы турында 10 кызыклы факт 1. Һәрвакыт концерт ахырында җырлый торган Elvin Grey бу юлы тамашаны ачып җибәрде һәм елның иң популяр җырчысы булып танылды.
    1430
    0
    1
  • 22 апрель 2018 - 14:00
    Циркта оныкларым курыкты Балачакта циркка еш бара идек. Ул чакта алгы рәтләргә билет 1 сум 20 тиен генә иде шул. Хәзер бәяләр дә, цирктагы мохит, чыгышлар да башка.
    283
    0
    1
  • 22 апрель 2018 - 12:12
    Как ясау ЫСУЛЫ Гөлүсә Насыйбуллинадан тәмле как рецепты
    475
    0
    5
  • 22 апрель 2018 - 11:01
    Роберт Миңнуллин мәзәкләре Барып җитеп булмый...
    286
    0
    2
  • 22 апрель 2018 - 10:10
    Афиша 23-29 апрель Г.Камал исемендәге Татар дәүләт академия театры 
    151
    0
    0
  • 22 апрель 2018 - 09:33
    «Сандугач»лар канатларын ныгыта Шушы көннәрдә «Рухият» рухи яңарыш фондының «Сандугач сайрар илем» балалар иҗаты фестивале Казанда зур гала-концерт белән төгәлләнде. Бу көнне Габдулла Тукай исемендәге Татар дәүләт филармониясе сәхнәсендә бию һәм җыр коллективлары составында 250гә якын «сандугач» чыгыш ясады. 
    122
    0
    0
  • 21 апрель 2018 - 18:55
    «TMTV» музыкаль премиясе тапшыру тантанасыннан сәхнә арты ФОТОРЕПОРТАЖЫ Бу минутларда “Пирамида” концертлар залында “TMTV” татар музыкаль телеканалы премиясен тапшыру тантанасы бара.
    1183
    0
    2
  • 21 апрель 2018 - 13:17
    Тәрәзәләр Без урамнан икәү үтеп барабыз. Мин, аның шәенө генә барырга тырышып, акрынрак атлыйм. Гаҗәп, ул да, як-ягына каранып, һаман адымнарын акрынайта. Нидер әйтергә теләгәндәй, проспектның аргы башына йотылып карый. Аннары бөтенләй туктый да, нигәдер оялып кына:
    383
    2
    0
  • 21 апрель 2018 - 12:44
    Кышкы киемнәрне саклау буенча КИҢӘШЛӘР Туныгызны балконда сакламагыз, йоны кибеп, сына башларга мөмкин.
    236
    0
    1
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 23 апрель 2018 - 17:22
    15 майга кадәр шашлык кыздыру тыела?! Алда май бәйрәмнәре. Күп кешеләр, әлбәттә, табигать кочагында ял итү, шашлык яки уха пешерү турында планнар коргандыр. Кызганыч, ачык һавада учак кабызу, шашлык кыздыру кебек гамәлләрне вакытлыча кичектереп торырга туры килә.
    130
    0
    0
Ночной режим