“Баланың китапларын ике пакетка тутырып, тараканлы, “съемный” квартирага чыгып киттем”
“ТНВ” каналында Зәмирә Рәҗәпова алып бара торган “Әй язмыш, язмыш...” тапшыруында танылган җырчы Илсөя Бәдретдинова шәхси тормышына кагылышлы сорауларга җавап бирде.
“ТНВ” каналында Зәмирә Рәҗәпова алып бара торган “Әй язмыш, язмыш...” тапшыруында танылган җырчы Илсөя Бәдретдинова шәхси тормышына кагылышлы сорауларга җавап бирде.
Без Илфак белән ныклы мөнәсәбәтләргә кергәндә, ул өеннән чыгып китеп, “Заман сулышы” редакциясендә яши иде.
Шул кадәрле “безбашенный” булганмын да инде. Хәзер ул җырларның текстларын гына укып карыйм да, абау мин әйтәм, мин хәзер җырламас идем. Мин бөтен молекуляр рәвешем белән Илфакка ышанган кеше булганмын. Менә шулай эшләргә кирәк дисә, димәк эшләргә кирәк. Балалык белән. Илфак миннән 13 яшькә олы. Илфак абый да, Илфак әти дә, Илфак дустым да, Илфак начальнигым да, Илфак сөяркәм дә—Илфак бөтенесе бергә. Илфак баламның әтисе дә, бөтен җиһан Илфак тирәсендә әйләнә. Без аерылышканчыга кадәр минем хәтта “Вконтакте”да үз сәхифәм дә юк иде. Мин хәтта телефоннан да беркем белән дә сөйләшми идем. Минем бөтен дөньям Илфак иде. Мин дөньяда Илфак нәрсә күрсәткән, шуны гына күреп яшәгәнмен.
Гәҗитләргә Илфакны йортсыз калдырган, Илфакны тегеләй иткән, болай иткән, ниндидер бер бай ир-атка ияреп чыгып киткән, Илфак белән баласын очраштырмый икән дип нәрсә генә язмадылар.
Хәзер еллар узгач, 40 яшемә җиткәчтен, үземә-үзем хисап тотып утырам. Әгәр дә хатын-кыз гаиләдән чыгып китә икән, гулять иткәндер әле, ире генә җитмәгән, чыгып киткән, диләр. Әгәр ир кеше китә икән, хатыны нормаль булса, чыгып китмәгән булыр иде инде, диләр. Ике якта да хатын-кыз гаепле. Әгәр хатын-кыз берәр эштә эшли икән, азау ярган, аңа җитми бит һаман. Хатын-кыз өйдә утыра икән, иренең сыртында утыра. Алын-артлы бала таба икән, бу ир асылына бит инде хәзер! Хатын-кыз гаепле. Бәбәй тапмыйсың икән, кысыр бит ул, ире әле дә тора инде аның белән! Нәрсә генә булса да хатын-кыз гаепле. Ә бәлки алай булмагандыр?!
Беркемнең дә нигә чыгып китте икән бу дигән әйбер башына килмәгәндер...Мин чыгып киттем. Чөнки киләчәкне башкача күз алдына китереп булмый иде. Ничек сөйләсәң дә, мин барыбер гаепле. Беләсеңме мин нигә гаепле? Чөнки мин исән калдым! Әгәр мин үлем, Илфак исән булса, Илфакны ашап бетергән булырлар иде.
Мин 13 ел яшәгәннән соң баланың китапларын ике пакетка тутырып, чыгып киттем. Сез интервьюлардан укыганча, Илфакның әйберләрен тартып алып түгел. Мин тараканлы, “съемный” квартирага чыгып киттем.
... Мин официаль рәвештә әйтәм: бүген бөтен барлыгым белән, сәхнәгә чыга алуым белән, күпмедер көч туплавым белән мин Илфакка үлгәнче рәхмәтле булачакмын. Мин Илфак белән авылдан чыгып киттем. Илфак белән кеше булдым. Минем Илфак Илдусовичтан менә дигән улым үсеп килә. Нәрсә генә булмаса да, мин үлгәнче Илфакка рәхмәтле булачакмын.
Кызыклы яңалыкларны күзәтеп бару өчен Вконтактега кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Көрәш буенча Казан чемпионатының беренче әйләнешендә кемнәр көрәшә?
-
#Мәгариф
Халыкара татар теле олимпиадасының быелгы Гран-при ияләре кемнәр?
-
#Төрлесе
«Болай иркәләргә-назларга кем өйрәтте?» (Шаян монолог)
-
#Кыскача яңалыклар
Алдагы атнада Татарстанда кар яварга һәм суытырга мөмкин
-
#Кыскача яңалыклар
Кайбер россиялеләрнең пенсияләре 1 майдан артачак
Комментарийлар
4
0
0
Бездэ Илсояр жаным 16 яштэн авылдан чыгып киттек,уз бэхетебезне узебез таптык,бездэн купкэ олылар бэйлэнмэде тугел араларында кем генэ юк иде,художников да,Эмма лэкин без шиклэндек,эниебез безгэ гел кинэшлэрен бирде тибешкэндэ тинег булсын,тегесе ярамый, босы ярамый,тынлаган хэрбер кеше уз язмышына узе жавап бирэ,узен барсынада гэепле,гафу итегез,монда инде жэллэтеп утыртырга кирэкми,узен телэгэн язмыщ
0
0
0
0
Жэллэтер очен эйтми бит ул. Ничек бар шулай сойли. Мин узем 20 яшемдэ уземнэн 7 яшькэ олы егеткэ кияугэ чыктым 30 ел торганга сон киемнэремне и документларымны алып съемный фатирга чыгып киттем 100 кв.метр ойдэн. Мин гаепле булдым
0
0
0
0
Мин алай дип эйтмэс идем. Язмыш. 4 аяклы ат та абына. Мин абынгангда мина 20 тугел, 25 иде. Лэкин абындым. Мин дэ баламнын китапларын гына тияп чыгып киткэн кеше.... Бэхетемэ яхшы кеше очрап аякка бастым, бер аллахы тэгалэмэ рэхмэтле. Илсиягэ дэ бары тик бэхет телим
0
0
0
0
Молодец та инде узен. Без сезне обожаем. Алды хэерлерэк булсын Амин
0
0