16+

“Агроволга”: авыл хуҗалыгының бүгенгесе һәм киләчәге нинди?

Казанда илнең иң масштаблы чараларының берсе – “Агроволга” халыкара агросәнәгать күргәзмәсе бара. 1-3 июль көннәренә билгеләнгән күргәзмәдә 30 регионнан барлыгы 300 дән артык оешма катнаша. “Kazan Expo” үзәгендә үтүче чарада шулай ук авыл хуҗалыгы өлкәсендәге яңа технологияләр, заманча техника, терлекчелек, үсемлекчелек юнәлешләрендәге кызыклы ачышлар белән дә танышырга мөмкин.

“Агроволга”: авыл хуҗалыгының бүгенгесе һәм киләчәге нинди?

Казанда илнең иң масштаблы чараларының берсе – “Агроволга” халыкара агросәнәгать күргәзмәсе бара. 1-3 июль көннәренә билгеләнгән күргәзмәдә 30 регионнан барлыгы 300 дән артык оешма катнаша. “Kazan Expo” үзәгендә үтүче чарада шулай ук авыл хуҗалыгы өлкәсендәге яңа технологияләр, заманча техника, терлекчелек, үсемлекчелек юнәлешләрендәге кызыклы ачышлар белән дә танышырга мөмкин.


“Агроволга” күргәзмәсен һәркем өчен – хәтта авыл хуҗалыгыннан ерак булган кешеләргә дә чын мәгънәсендә кызыклы булырлык итеп оештырганнар.  Авыл хуҗалыгының төрле юнәлешләренә багышланган түгәрәк өстәлләрдә катнашучылар бер-берсе белән фикер алышып, тәҗрибә уртаклашсалар, “Трактор-шоу” дип исемләнгән ярышта исә республикабызның төрле районнарыннан килгән иң тырыш 30 дан артык механизаторы көч сынашты. 

Ачык һавада үткәрелүче күргәзмәдә исә ниләр генә юк: авыл хуҗалыгының иң алдынгы техникасыннан алып токымлы сыерларга кадәр. Иң затлылардан саналучы голштин токымлы сыерлар күргәзмәсе беркемне дә битараф калдырмагандыр, мөгаен. Беренче көнне узган бозаулар бәйгесендә 1 урынга Биектау районының “Татарстан” агрофирмасы бозавы лаек булды. Ә икенче көнне инде иң яхшы сыерларны билгеләү каралган. Дөрестән дә, әлеге бәйгене сыерлар өчен матурлык конкурсы дип атасаң да ялгыш булмас.

Моннан тыш авыл хуҗалыгы өлкәсендәге иң алдынгы, заманча техника да читтә калмады. Казан дәүләт аграр университеты укытучысы Рәис Сабиров беренче тапкыр пилотсыз трактор тәкъдим итеп күпләрне шаккаттыргандыр. Автомат пульт ярдәмендә идарә ителүче әлеге трактор тулысынча кеше хезмәтен алыштырырга сәләтле. Агрокүргәзмәдә катнашучылар фикеренчә, мондый техниканы республикабыз кырларында куллану чыгымнарны да күпкә киметәчәк.

Авыл хуҗалыгы өлкәсенең иң-иңнәрен туплаган күргәзмә һичшиксез күпләргә яңадан-яңа үрләргә менәргә этәргеч булып тора. Өстәвенә әле Рәсәйнең төрле төбәкләрендә авыл хуҗалыгы дип янып яшәүче тырыш кешеләргә очрашу, тәҗрибә уртаклашу өчен дә менә дигән мөмкинлек ул. Алда әле “Агроволга”ның өченче – йомгаклау көне. Монда шулай ук төрле мастер-класслар, конференцияләр, лотарея форматындагы уеннар һәм башка  кызыклы чаралар булыр дип көтелә.

Рузилә Фәттахова. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading