Алмаз Мирзаяновның кемгә өйләнәчәге билгеле булды

Иҗат кешесе булгач, егет бу эшкә артык иҗадый әзерләнгән. Су буйлап ул сөйгәне белән китеп барганда, кинәт кенә микрофоннардан Алмаз укыган мәхәббәт турындагы шигырь яңгырый башлаган. Романтик мизгел вакытында аларны ходулидагы озын кешеләр озатып барган. "Аннары ни булганын хәтерләмим", - дип яза Алмаз Инстаграмында. Әмма фото һәм видеолардан күренгәнчә, кыз егетнең тәкъдимгә «әйе» дип җавап кайтарган. 

Әле күптән түгел генә Алмаз интервьюда «Йөргән кызың бармы» дигән сорауга төгәл генә җавап кайтармаган иде: «Без аның белән инде бер очраштык. Аңлашылмаучанлыклар килеп чыккач аерылышкан идек…» дип сөйләгән иде. Әмма, озак вакыт узмады, Зөлфирә белән Алмаз кабат бергә!

Яшьләргә матур парлы тормыш телибез! Бәхетле булсыннар!

фотолар җырчының шәхси архивыннан алынды