Ана капиталына машина алып булачак?!

«Гадел Россия» депутатлары тәкъдим иткәнчә, ана капиталына машина алуда таләпләр шактый катгый булачак. Әйтик, бары Россиядә җитештерелгән өр-яңа автомобильләрне генә алырга мөмкинлек биреләчәк. Ат көче, башка техник үзенчәлекләргә дә аерым таләпләр бар. Моннан тыш, автомобиль бәясе 1 миллион сумнан кыйммәтрәк булмаска тиеш. Тагын бер шарт: машинаны 3 ел эчендә сатарга рөхсәт ителмәячәк. Әгәр таләпләр үтәлмәсә, ана капиталын дәүләткә кире кайтарырга туры килмәгәе.

Ана капиталын нәрсә өчен кулланырга була

1. Торак шартларын яхшыртуга.
2. Балаларга белем бирүгә.
3. Әни кешенең булачак пенсиясен арттыруга.
4. Инвалид балаларны җәмгыятькә социаль яраклаштыру өчен чаралар алуга.
5. Аз керемле гаиләләр 2018 елның 1 гыйнварыннан соң туган балага бирелгән ана капиталын ай саен өлешләп алу хокукына ия.

Анна Арахамия фотосы