Шәһри Казан

Астма белән авыручылар саны арта: билгеләре, сәбәпләре, киңәшләр

Табиблар күзәтүенчә, астма белән авыручылар саны елдан-ел арта бара. Россиядә шундый диагнозлы 7 миллион тирәсе кеше исәпләнә.

Авыруның билгеләре, аны дәвалау турында Казан фәнни тикшеренү институты табибы, аллерголог, иммунолог Элина КАМАЛОВА сөйли.

Сәбәпләре

Астма сулыш юлларының ялкынсынуын вакытында дәваламаганлыктан килеп чыга. Өянәк вакытында бронхлар тарая, сулыш юлы ялкынсынып шешә, мускулларда спазм күзәтелә, кешенең тыны кысыла башлый. Астма өянәге төрлечә була, берничә минуттан берничә көнгә кадәр дә дәвам итә.

Авыру нәселдән дә күчәргә мөмкин. Тәҗрибә күрсәткәнчә, әгәр баланың ата-анасының берсендә астма булса, ул 50 процент очракта балада да күзәтелә. Әти-әнинең икесе дә тыны кысылып азапланса, авыруның балага күчү ихтималы – 65 процент.

Астманы китереп чыгара торган сәбәпләрне ике төргә бүлеп карыйлар: берсе – аллергия китереп чыгара торган сәбәпләр, икенчесен фәнни телдә триггерлар дип йөртәләр.

Аллергеннар

Йорт хайваннары, бет, борча, таракан, чәчәк серкәсе, ризык, күгәрек, гөмбәчекләр, дарулар.

Триггерлар

Тәмәке тарту, авыр физик эш, төрле йогышлы авырудан өзлегүләр, экология, һава торышының кискен үзгәреп торуы.

Реклама

Билгеләре

еш йөткерү
тын кысылу
күз астында «капчыклар» барлыкка килү
салкынга чыккач ютәлләү

Дәвалану

Астманы махсус анализлар ярдәмендә табиб кына билгели ала. Авыруны үпкә эшчәнлеген, сулыш алуны тикшереп ачыклыйлар.
Астмадан бөтенләй котылу мөмкин түгел, ләкин табиб кушканнарны үтәсәң, тиешле даруларны куллансаң, астмалы кешеләр дә тулы тормыш белән озак яши. Иң мөһиме: авыруны һәрчак контрольдә тотарга кирәк. Астманы дәвалар өчен, табиб дарулар билгели. Тын кысылганда авыруның хәлен җиңеләйтү өчен, ингалятор, спейсер, небулайзер кебек җайланмалар кулланыла. Аларны һәрчак үзең белән йөртергә кирәк.


Табиб Элина КАМАЛОВАдан астманы кисәтү өчен 5 киңәш

1. Аллергия китереп чыгара торган әйберләр кулланмагыз. Кайберәүләр йонсыз йорт хайваннары куркынычсыз дип саный, әмма эт, мәчеләрнең йоны гына түгел, беренче чиратта, селәгәе һәм сидеге аллергия китереп чыгара.

2. Борчалар, бетләр һәр йортта бар. Аларны киметү өчен бүлмәне ешрак җилләтергә, урын-җирен гел алыштырып торырга, чисталыкны сакларга кирәк.

3. Дөрес туклану мөһим. Майлы ризыклар гәүдә авырлыгын арттыра. Нәтиҗәдә, кешедә йөрәк-кан тамырлары авырулары белән беррәттән, тын кысылу, сулыш алу авырлашу күзәтелергә мөмкин.

4. Борын, колак, тамак белән бәйле авыруларны ахырына кадәр дәвалап бетерергә кирәк. Үз белдегең белән теләсә нинди дару эчәргә ярамый.
 
5. Тәмәке тарту астмага китерергә мөмкин. Шуңа да сәламәт яшәргә, саф һавада күбрәк булырга тырышыгыз.

Фото: pulmonologi.ru

Теги: астма
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    289
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    645
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    334
    2
    2
  • 19 февраля 2018 в 16:43
    Корея кояшы астында безгә бәхет елмаермы?
    Җиңгән очракта – гимн, җанатарларга трибунадан болгар өчен флаг юк дип тормый инде спортчыларыбыз, акрынлап булса да, Олимпия медальләре өчен көрәшүен дәвам итә.
    55
    0
    0
  • 19 февраля 2018 в 19:08
    Жәвит Шакиров: «Зөлфиякәй - изоляциядә!» - Əле гастрольләрдән кайтып кергәнгә ике генә көн. Менә, беләсезме, безгә ял итәргә ярамый икән. Бераз эш режимыннан чыксаң, нәрсәдер була да куя!
    168
    0
    1