Аяз Гыйләҗевның үзенчәлекле китап киштәсендә нинди китаплар булган?

Язучының тормышын һәм иҗатын өйрәнгән галим Миләүшә Хәбетдинова сүзләренчә, анда ул үзенә ошаган һәм иҗат эшендә өлге булган авторларның китапларын туплаган.

- Бу киштәдә чит ил язучыларыннан Ремарк, Хемингуэй, Бернард Шоу, рус язучыларыннан Достоевский белән Чехов, татар язучылары арасында Габдулла Тукай белән Әмирхан Еники китаплары торган. Равил Фәйзуллинны бер куя торган булган, бер алып куйган. Бу Аяз Гыйләҗевның чордаш язучыларына тәрбия аренасы булып торган киштә. Бөтен язучы Аяз Гыйләҗев киштәсендә үз китабы торуы турында хыялланган, - ди Миләүшә Хәбетдинова.