Шәһри Казан

Балалар өчен нинди пособиеләр түләнергә тиеш?

Соңгы арада редакция телефонының тынганы юк. Баласы булган гаиләләрне яңа елдан кергән үзгәрешләр кызыксындыра. Татарстанның Хезмәт, халыкны эш белән тәэмин итү һәм социаль яклау министрлыгы белән, балалы гаиләләргә кагылышлы пособиеләрне барладык.

1 февральдән балага пособиеләр артачак

«Татарстан халкына максатчан социаль ярдәм турында»гы закон кысаларында, республикада балалы гаиләләргә ташламалар, субсидияләр каралган. Бер кеше башына уртача айлык керем яшәү минимумыннан азрак булган гаиләләрдәге балаларга, 16 яшь тулганчы, ай саен пособие түләнә. 2018 елда бу түләүнең суммасы 307 сумны тәшкил итә.

Балаларын ялгыз үстерүче аналарга 814 сум каралган.

Әтисе хәрби хезмәттә булган, әти-әнисе алимент түләүдән качып йөргән сабыйларга ай саен 460 сум акчалата ярдәм бирелә. 

Аз керемле гаиләләрдәге балалар, хроник авырулы сабыйлар, өч яшь тулганчы, сөт ризыклары белән бушлай тәэмин ителә. 

Балалар бакчаларына түләгәндә ташламалар каралган. Беренче бала өчен түләгән сумманың – 20, икенчесенә – 50, өченче бала өчен түләүнең 70 проценты кире кайтарыла.
Һәр бала тугач, әниләргә дәүләттән 16 350 сум матди ярдәм каралган. Яшь ярымга кадәр баланы караган өчен айлык пособие түләнә (инфографикада тулырак). Социаль иминиятләштерү фондының Татарстан идарәсе белгечләре әйтүенчә, бу пособиеләр суммасы 1 февральдән артачак. 

«Путин акчасы»


Әлеге пособиеләрдән тыш Россия Президенты Владимир Путин яшь гаиләләргә ярдәм итү максатыннан, быелдан яңа төр пособие кертте. Бу максатларга федераль бюджетта 2020 елга кадәр акча каралган. Пособие һәркемгә дә түләнми. Бары 2018 елның 1 гыйнварыннан соң гаиләдә туган беренче балаларга һәм гаиләнең уртача кереме бер кеше башына яшәү минимумыннан 1,5 тапкырга артып китмәгән очракта гына бирелә. Татарстанда билгеләнгән яшәү минимумы – 9 142 сум. Аны 1,5кә тапкырлагач, 13 713 сум килеп чыга. Гаиләдәге бер кеше башына уртача айлык керем шул суммадан артмаганда гына, пособиегә дәгъва кылырга була. Мәсәлән, гаиләдә өч кеше икән, аларның айлык кереме 3x13 713=41 139 сумнан артмаска тиеш. Беренче балага ай саен 8 490 сум пособие каралган. Республикада әлеге яңа төр пособиедән 4602 хатын-кыз файдаланыр дип фаразлана. Социологик тикшерүләр буенча, аларның күбесе – 22-26 яшьлек әниләр.

Реклама

Күпләр, Владимир Путин вәгъдә иткән акчалар икенче балага да тиеш, дип кабул итте. Икенче, өченче балага карата пособие түләүдә үзгәрешләр бар анысы, ләкин өстәмә акча турында сүз бармый, акча ана капиталыннан түләнәчәк. Быелдан ана капиталын ай саен өлешләп алу мөмкинлеге тудырылды. Дөрес, монысы да бары 2018 елның 1 гыйнварыннан соң туган, гаиләдәге икенче балаларга гына кагыла. 

Балага яшь ярым булганчы, ана капиталыннан ай саен 8 490 сум пособие түләү каралган. Түләүләр ай саен ананың кредит учреждениесендәге исәп счетына күчерелеп барачак. Һәр кеше аны үз кирәгенә файдалана ала. Айлык түләүләрдән баш тартып, ана капиталын рөхсәт ителгән башка максатларда да кулланырга мөмкин. Аны торак шартларын яхшыртырга, балага белем алган өчен түләргә, ананың булачак пенсиясенә күчерергә, инвалид сабыйга җайлашу, яраклашу өчен кирәкле товарлар сатып алырга, ә быелдан балага өч яшь тулганчы мәктәпкәчә учреждениеләр өчен түләргә дә була. 

Владимир Путин карары белән, ана капиталы 2021 елның 31 декабренә кадәр озайтылды. Быелга суммасы үзгәрешсез калды – 453 026 сум. 

Ташламалы торак

Татарстан премьер-министры Алексей Песошин хәбәр итүенчә, Президент Рөстәм Миңнеханов карары белән, кимендә өч ел авыл җирендә яшәгән әниләргә быелдан, беренче һәм өченче баласын тапкан очракта, социаль ярдәм бирергә җыеналар. Бу хактагы документлар пакеты тиздән әзерләнеп бетәр дип көтелә.

2018 елдан 2022 елга кадәр икенче йә өченче баласы туган гаиләләр, ташламалы кредит белән, фатир алу мөмкинлегенә ия булачак. Владимир Путин карары белән, балалы гаиләләргә банкларда еллык ставкасы 10,5 процентлы ипотека тәкъдим ителә. Кредитның 4,5 процентын дәүләт үз өстенә ала, гаиләләргә бары калган 6 процентын гына түләргә туры киләчәк. Төп шарт – фатирны беренчел торак базарыннан сатып алырга кирәк, кредит суммасы 3 миллион сумнан артмаска тиеш. 

Нәрсә, ничек?

Пособиеләрне рәсмиләштерү өчен, ата-ананың паспорты, баланың туу турындагы таныклыгы, сабый уллыкка алынган булса, тәрбиягә алу турында таныклык кирәк. Гаиләнең соңгы 12 айлык кереме турында белешмә, акчаны күчерү өчен банкта ачылган счет реквизитлары сорала. Тулырак мәгълүмат алу өчен, теркәлү урыны буенча пенсия, социаль яклау бүлекләре белгечләренә мөрәҗәгать итәргә мөмкин. 

Шунысын да истә тотарга кирәк: бала туганнан соң алты ай эчендә теркәлү урыны буенча социаль яклау бүлегенә пособие сорап килсәң, акча бала туган айдан ук түләнәчәк, ә алты айдан соң гына гариза тапшырсаң, пособие мөрәҗәгать иткән көннән генә исәпләнә башлый. 2018 елдан кергән пособиеләр балага яшь ярым тулганчы бирелә. Елына бер генә тапкыр билгеләнә. Ел узгач, кабат керемнәр турында документлар җыеп тапшырырга була. 

Нравится
Поделиться:
Реклама
Комментарии (0)
  • 22 февраля 2018 в 17:03
    Орхидеялар – энергетик вампир? Өемдә орхидеялар күп үсә. Бер танышым аларны энергетик вампир диде. Имештер, өйдә аларны тотарга ярамый. Бу чынлап та шулаймы? Алия Закирова.
    127
    0
    0
  • 22 февраля 2018 в 15:38
    Алкоголизмнан ничек дәваланырга? Статистика мәгълүматлары буенча республикада эчүчеләр саны, былтыргы белән чагыштырганда, якынча өч процентка кимегән. Ләкин бу саннар дөреслеккә бик үк туры килеп бетми икән. Нарколог, психиатр, психотерапевт Галимҗан Шакирҗанов әйтүенчә, быелның 1 гыйнварына алынган мәгълүматлар буенча, Татарстанда алкоголизм диагнозы белән 30 мең кеше теркәлгән.
    131
    0
    1
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    238
    0
    0
  • 22 февраля 2018 в 11:59
    Биш бала анасы Роза Мостафина: «Өебездән куалар» Редакциябезгә Казаннан биш бала анасы Роза Мостафина мөрәҗәгать итте.
    179
    0
    0
  • 22 февраля 2018 в 11:03
    Һәр авылның үз Фазылы булсын иде Төрле яклап килгән кеше кем ул? Андыйлар күп өлкәләрдә үзләренең көчен сынап карый, уңышларга ирешү белән беррәттән, аларның тормышы да гадәти түгел, ә үзенчәлекле, кызыклы.
    107
    0
    3
  • 22 февраля 2018 в 10:47
    «Килә ява, килә ява...»: иске спектакльнең яңа премьерасын тамашачы ничек кабул итте? Галиәсгар Камал исемендәге Татар дәүләт академия театрында Зөлфәт Хәкимнең “Килә ява, килә ява...” спектаклен яңарттылар.
    102
    1
    1
  • 22 февраля 2018 в 08:50
    Зәңгәр күзле, киң күңелле кызыбызны котлыйбыз! Зәңгәр күзле, җитен чәчле кызның урамда карга батып уйнап керүенә әбисе ул яраткан солы кесәлен пешереп куйган. Ярата шул инде аны әбисе, ярата! Гел аның куенында менә шулай иркәләнеп, назланып кына торасы иде дә соң...
    129
    0
    0
  • 21 февраля 2018 в 16:48
    23 февральдә ир-атларга нәрсә бүләк итәргә? Ватанны саклаучылар көне җитә. Бәйрәм булгач, бүләк тә әзерлисе килә. Ир-атларга нәрсә бүләк итәргә?
    220
    0
    0
  • 21 февраля 2018 в 16:16
    Юка пешерү ЫСУЛЫ Бу ризыкның ничек аталуын төгәл белмим, атамасы күптөрле. Бер якта аны юка диләр. Икенче бер җирдә көлчә дип атыйлар. Җәймә, җәүликмәк, чәлпәк дигән исемнәре дә бар.
    363
    0
    5
  • 21 февраля 2018 в 14:41
    Ләйсән Гыймаева Хәмдүнә Тимергалиеваның күлмәген алып торган?! Ләйсән Гыймаева хәйран гына түгәрәкләнеп килә, димәк, тиздән ике кызларына иптәшкә тагын бер бәләкәч өстәләчәк.
    356
    0
    0
  • 21 февраля 2018 в 13:58
    Лимонның 1001 хикмәте Лимонны без чәйгә салып эчәргә яратабыз. Ул чәйне хуш исле итә, сәламәтлек өчен дә файдасы зур. Чынлыкта исә аның хикмәте моның белән генә бетми икән.
    301
    0
    2
  • 21 февраля 2018 в 13:42
    Россиянең хоккей буенча җыелма командасы ярымфиналга чыкты Россиянең хоккей буенча җыелма командасы Норвегия командасын 6:1 исәбе белән отып, Олимпия турнирының ярымфиналына чыкты.
    103
    0
    0
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    425
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    774
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    396
    2
    2
  • 22 февраля 2018 в 10:00
    Базарларны япсалар ни булачак?
    Базарларны ябу-япмау турындагы сүзләр байтактан бара. Күптән түгел генә сәнәгать һәм сәүдә министрлыгы идарәсе, кабат бу мәсьәләне күтәреп, ил буенча барлык базарларны ябу турында закон проектын әзерләгән.
    127
    0
    1
  • 22 февраля 2018 в 17:03
    Орхидеялар – энергетик вампир? Өемдә орхидеялар күп үсә. Бер танышым аларны энергетик вампир диде. Имештер, өйдә аларны тотарга ярамый. Бу чынлап та шулаймы? Алия Закирова.
    127
    0
    0