Биектау көрәшчеләре төп призны мәдрәсәгә тапшырган

Казанның Аккош күлендә Май чабу бәйрәме уңаеннан оештырылган "Итекле хоккей" турнирында Биектауның көрәшчеләр командасы җиңүе турында язган идек. Биектау командасының бер вәкиле Динар Зиннәтуллин "Шәһри Казан"га хәбәр иткәнчә, бүген көрәшчеләр үзләренә бирелгән төп приз - төзелеш тузансуырткычын Биектауда төзелеп килүче мәдрәсәгә тапшырганнар.

Фәрит хәзрәт көрәшче-хоккейчыларга рәхмәтен җиткереп, мондыйрак сүзләр ирештергән: "Мәчетләрне, мәдрәсәләрне кайгыртып торганнары өчен үзләренә Алланың мең рәхмәтләре булсын! Мәчет-мәдрәсләр дип йөргән яшь егетләрне күргәч, күңел сөенә".

Молодцы, егетләр, афәрин!