#Язмалар 04 марта 2020, 13:40

Чәчәкләргә короновирус "йоккан"?!

04 марта 2020, 13:40

"Чәчкәләр короновирус белән зарарланган. Ким дигәндә 10 мартка кадәр букетлар сатып алмагыз”, дигән хәбәр яшен тизлеге белән бер көн эчендә барлык телефоннарга ук булмаса да, яртысына килеп җиткәндер, мөгаен.

Скопировать ссылку

Шәхсән мин үзем, әлеге хәбәрдән соң, шаркылдап көлдем. Хезмәттәшем исә “Моны экономияләргә ярата торган ир-егет уйлап тапкан инде”, диде. Чөнки 8 мартка санаулы гына көннәр калды бит.

Чәчәкләр короновирус йоктыра аламы? Әйе икән, андый чәчәкләр зарарлымы? Бу һәм башка төрле сорауларыбызны танылган флорист Адель Хәсәновка юлладык.

-Чәчәкләр короновирус белән авырый дигән сүз — ул берничек тә дөреслеккә туры килми. Беренчедән, чәчәкләр Голландиядән, Колумбиядән кайтартыла. Икенчедән, чәчәкләр теплицаларда үстерелә, тартмаларга тутырыла. Алар һәрберсе үз савытына салына. Ягъни, чәчәкләр нинди дә булса вирусны гомумән дә “эләктерә” алмый, чөнки алар кешеләр күп җыела торган урыннарда булмый, - ди Адель.

P.S. 8 мартка хатын-кызларга нинди чәчәкләр сайларга? Букет озак торсын өчен төп нинди кагыйдәне үтәргә? Бу сорауларга җавапны сайтыбыздан таба алачаксыз.

Лилия ЛОКМАНОВА

ФОТО: "Татар-информ" МА

Кызыклы яңалыкларны күзәтеп бару өчен Телеграм-каналга кушылыгыз.