Татарстанда Яңа ел уңаеннан уздырыла торган чаралар балалар һәм әти - әниләр өчен куркыныч тудырырга тиеш түгел, дип белдерде Татарстанның баш санитар табибы Марина Патяшина.
- Балалар өчен Яңа ел бәйрәмнәрен оештыру тәртипләренә игътибар итәргә кирәк. Барлык таләпләрне дә үтәү мөһим. Бу - бактерицидлы лампалар булдыру, бер кешегә кимендә 4 квадрат метр территория туры килү, кулга - кул тотынып әйлән - бәйлән әйләнүне тыю, - дип белдерде Патяшина.
Баланы Чыршы бәйрәменә 65 яшьтән өлкәнрәк булган туганы алып килә.
Өлкәннәр һәм 7 яшьтән өлкәнрәк балалар бәйрәмдә битлектән булырга, социаль дистанция сакларга тиеш. Мәйданчыкларда антисептиклар булдырырга, куллар юарга шартлар тудырырга, кергәндә тән температурасы тикшерелергә тиеш.
"Әгәр дә чара балалар бакчасында яисә мәктәптә уздырыла икән, әти - әниләр, аниматорлар, фотографлар чакырылырга тиеш түгел. Бакчадагы төркемнәр берләштерелмәскә, ә мәктәпләрдә параллель сыйныфлар бергә бәйрәм итмәскә", - дип ассызыклады Марина Патяшина.
Иң мөһим һәм кызыклы язмаларны Татмедиа Telegram-каналында укыгыз
