Шәһри Казан

Эшсез калган ир-ат хакимият йорты каршында үз-үзенә ут төрткән

Башкорстанның Ишембай шәһәрендә бер ир-ат хакимият йорты каршындагы мәйданда үз-үзенә ут төрткән.

Шаһитләр сүзләренчә, башта чишенгән, үзенә бензин сипкән һәм: “Протест белдерәм, коррупция!” – дип кычкырган. Ә яндырыр алдыннан, кислота эчкән булган, үз-үзенә пычак та кадаган. Вакытында ашыгыч ярдәм күрсәтү машинасы белән янгын сүндерүчеләрне чакыртып, ир-атны коткарып калганнар. Аны хастаханәгә озатканнар. Медицина хезмәткәрләре тикшерү вакытында тәненең 80 процент пешкән булуы ачыкланган.

Реклама

Зыян күрүченең исеме – Дмитрий Рудов, аңа 39 яшь. Ул моңа кадәр “Газпромнефтехим Салават” ширкәтендә эшләгән һәм күптән түгел эшсез калган булган. Бу акылсыз адымының сәбәбе дә шуннан булырга мөмкин.

Күрше-тирәсе сүзләренчә, ул күптәннән авырган булган, әмма аңа инвалидлык һәм тиешле дарулар бирмәгән булганнар. Әлеге хәл буенча җинаять эше кузгалтылган. Тикшерүчеләр хәзер үз-үзенә кул салуның сәбәбен тикшерә.


Фото: ntv.ru

Нравится
Поделиться:
Реклама
Комментарии (0)
Осталось символов: