Фәрит Мөхәммәтшин: “Миңа хатынның яхшысы эләкте”

Фәрит Мөхәммәтшин хатыны белән һәрвакыт киңәшләшеп-аңлашып яшәүләрен әйтеп, энә белән җеп кебек без, мин кая, ул шунда, эшем белән бәйле рәвештә күп җирләрдә яшәргә, төрле урында эшләргә туры килде,минем эшем өчен үземнән дә катырак борчыла, дип тә өстәде.

Журналистлар аның гаиләдә көч куллануны булдырмый калу турындагы закон проектына карата фикере белән кызыксынды. Бу сорауга җавап итеп ул “гаиләдә ике кеше дә җаваплы, тәрбияле булырга тиеш. Бер-береңә түзеп яшәргә кирәкмидер, әмма балаларга да авыр була. Бәхәсләшми торып булмый, гаиләдә анысы да була, әмма көч куллану өчен җинаять җаваплылыгы да бар” диде ул.

Аныңча, гаиләдәгеләр бергә, кирәк булганда туганнар да җыелып, фикерләшү дөрес.

Фото: gossov.tatarstan.ru/