#Язмалар 26 декабря 2020, 15:20

Фәрит Мөхәммәтшин: "Татарлар санын киметмәскә иде"

26 декабря 2020, 15:20

Быел халык санын алу процессы киләсе елның апрель аена күчерелде. “Шәһри Казан” корреспонденты бүген ТР Парламенты Рәисе белән очрашу барышында Фәрит Мөхәммәтшиннан бу мәсьәләгә карата фаразлары белән кызыксынды һәм җанисәп татарлар санын киметмәсме дигән соравын җиткерде.

Скопировать ссылку

Фәрит Мөхәммәтшин: "Татарлар санын киметмәскә иде"

- Татарлар санын киметмәскә иде. Безнең хыялыбыз да шундый. Россиядә 5 млн артык. Әле аны санасаң, аннан да артык. Ләкин кемдер татар дип язылмады. Кемдер башкача язылгандыр... Без бу мәсьәләне аерым карадык. Милли Шурада да карадык. Күмәкләшеп яши торган татарларга аерым мөрәҗәгать ясарбыз. Татарлар Россия төбәкләрендә генә түгел, чит илләрдә яшәүчеләре дә бик күп. Аларның санын алмыйлар.Мөрәҗәгать итеп, алар белән очрашып, Пенза татарлары, Сарытау татарлары, Ульян татарлары, Нижгар мишәрләре һәм башкалар янына барып, моның мөһимлеген җиткерергә тиешбез. Сакларга кирәк үзебезнең милләтебезне, үзебезнең телебезне. Бездән соң киләчәк буынга, балаларга, яшьләргә биреп калдырырга дигән ният белән. Минем уйлавым буенча, татарлар саны кимемәс. Россия Федерациясендә халык саны кими, Татарстанда да бераз кимеде. Ләкин татар төбәкләрендә яшәүче татар гаиләләрендә яңа туган балалар саны бик алай күзгә күренеп кимү юк, - дигән фикердә Фәрит Мөхәммәтшин.