Беркөнне Пәйгамбәребез галәйһиссәлам сәхабәләреннән болай дип сораган: «Гайбәт нәрсә ул, беләсезме?» Сәхабәләр: «Аллаһы вә Аның Илчесе яхшырак белер», − дигәннәр. Шулвакыт Пәйгамбәребез галәйһиссәлам: «Дин кардәшенең хушына килмәгән сүзләрне аның артында (ягъни ул ишетмәгәндә) сөйләүдер», − дигән.
Пәйгамбәребезнең сәхабәләре: «Әгәр кардәшләребезне яманлавыбыз дөрес булса, сөйләргә ярыймы?» – дип сораганнар.
Пәйгамбәребез: «Әгәр сөйләгән сүзләрең дөрес булса, гайбәт сөйләгән булырсың. Сөйләгән сүзләрең дөреслеккә туры килмәсә, яла яккан (боһтан) булырсың», – дип кисәткән.
