Җитен орлыгында егерме төрле аминокислота, A, E, C, D, K, B төркеме витаминнары, эфир майлары, йод, марганец, кобальт, тимер, фосфор, калий, магний, натрий, хлор кебек минераллар һәм Омега-3 майлы кислотасы бар.
Аның белән дә ул бик күп авыруларны булдырмый калырга ярдәм итә. Бердән, яман шеш күзәнәкләре белән көрәшә. Икенче файдалы үзлеге – йөрәкне саклый, кандагы холестерин күләмен киметә. Җитен орлыгы бронхит булганда да булыша, ашкайнату тракты эшчәнлеген көйли.
Орлыкларны кофемолкада онга әйләндереп ашасаң, ул тиз үзләштерелә. Йогуртка салып эчсәң дә була. Җиләк-җимеш салатына да куша аласыз. Аны ашагач, күп итеп су эчәргә кирәк.
