Шәһри Казан

"Изге Болгар җыены" да быел узмаска мөмкин

"Изге Болгар җыены" быел узмаска да мөмкин. Быел тарихи җирләребездә ел саен матур гадәткә әверелгән чара 6 июньгә билгеләнгән иде. Сәбәбе шул ук - коронавирус пандемиясе.

Пандемиягә бәйле рәвештә быел узасы зур чараларны үткәрүнең ике варианты кала: я аларны икенче - соңрак вакытка күчерү, яисә аларны быел бөтенләй дә уздырмау.

Сабан туйларын исә алдагы айларда оештыруга караган карарлар вазгыятькә карап кабул ителәчәк. Бу хакта «Татар-информ» корреспондентына Татарстан Премьер-министры, Бөтенөнья татар конгрессының «Милли Шура» рәисе Васил Шәйхразиев хәбәр иткән иде.

Реклама

«Якын арада – май ахыры һәм июнь башында үтәргә тиеш булган Кыргызстанның Бишкек, Софиядәге (Болгария) Европа Сабан туе һәм Ташкенттагы Азия Сабан туе да булмый, аларны үткәрү өчен әлегә рөхсәт юк. Алдагы көннәргә фараз бирү мөмкин түгел, ничек буласы Аллаһка гына билгеле», – дигән иде вице-премьер. 

Төбәкләрдәге һәм чит илләрдәге Сабантуйларны үткәрү турындагы караны, Васил Шәйхразиев аңлатуынча, төбәк хакимияте җирле татар оешмалары белән берлектә хәл итәчәк. Республика Сабантуйлары узачакмы дигән сорауга ул: «Бәйрәмнең башка вакытка күчерелүе турындагы карар әлегә кабул ителмәде», – диде.

Шул ук вакытта кайбер төбәкләр Сабан туен онлайн уздырырга тәкъдим иткән. «Новосибирскидагы ватандашлар бәйрәмне онлайн үткәрергә әзерләнә», дип билгеләп үтте Шәйхразыев.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: