Шәһри Казан

Карсыз кышның уҗым культураларына зыяны юкмы? (БЕЛГЕЧ ФИКЕРЕ)

Әлегә кыш мул карлары белән әллә ни кинәндерми. Басу-кырларда да кар катламы калын түгел. Көзен уҗым культуралары да узган елга караганда соңрак чәчелгән иде. Бүген аларның хәле ничек икән соң?

Татарстанда уҗым культуралары 494 мең гектар мәйданда чәчелгән. Белгечләр әйтүенчә, аларның актив вегетация вакыты 20 октябрьдә төгәлләнде. Бу, узган ел белән чагыштырганда, ун көнгә соңрак булды.

– Моның зыян салырлык куркынычы юк. Гомумән алганда, вегетация төгәлләнгәндә уҗым культуралары яхшы һәм яшь үрентеләр үсеп чыгу фазасында иде, – ди Россия авыл хуҗалыгы үзәгенең Татарстан филиалы җитәкчесе урынбасары Елена Прищепенко.

Аның әйтүенчә, Россия авыл хуҗалыгы үзәге филиалы белгечләре шушы көннәрдә генә районнарга чыгып, җир катламын алып, тикшерү үткәргәннәр. Анализ нәтиҗәләре буенча, республикада уҗым культураларының 4 проценты үлгән.

– Бу күрсәткечләр нормада. Хәзерге вакытта уҗым культуралары яхшы хәлдә. Кар катламы 13-28 сантиметрны тәшкил итә. Ә 2017 елда бу күрсәткеч ике тапкырга күбрәк иде. Норма исә 13-30 сантиметр санала.

Реклама

Хәер, шәхсән үземнең, уҗымнарга 20-45 сантиметр калынлыгындагы кар катламы кышлау өчен уңайлы санала, дигән фикер дә ишеткәнем бар. Калын һәм тыгыз кар астындагы уҗымнарның тармаклану өлешендә бер градус салкыннан бер градуска кадәр җылы температура сакланганда, үсемлекләр кислородка тилмерә, йончый.

Белгеч әйтүенчә, Кама алдындагы зонада кар иң күп түшәлгән урын. Анда 40 сантиметр биеклегендә кар яткан. Ә туфрак 30 сантиметр тирәнлегендә каткан. Ә узган ел бу – 29-36 сантиметр иде. Гадәттә, бу вакытта туфрак 42-71 сантиметрга кадәр ката.

– Үсентеләрдәге шикәр күләме дә нормада. Бүгенгә ул 16-34 процентны тәшкил итә. Шулай итеп, уҗым культураларына бернинди дә куркыныч янамый. Әлегә кадәр торган һава торышы да үсентеләр өчен яхшы, – диде безгә Елена Прищепенко.

Фото: kruglovo.ru

 

Теги: уҗым
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    13
    0
    0
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    438
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    312
    2
    2