Кайсы яшелчәне кайчан чәчәргә?

Кыраудан сак­лау өчен, өстен каплыйбыз. Кәлшәсен апрельдә теплицага чәчеп үстерергә дә була. Уртача өлгерешле кәбестәне 17-18 мартта ­лотокка чәчәбез. 40 көнлек рассада түтәлгә утыртыла. Соң өлгерешле кәбестәне 14 апрельдә теплицага чәчәбез, 40 көнлек рассада июньдә ачык грунтка утыртыла.

Башлы суган орлыкларын 1 мартта лотокка чәчәбез, 25 апрельдә ачык түтәлгә күчерәбез. Кабак, кабакчык, патиссон, кавын, карбыз­ны 25-29 апрельдә ярты литрлы савытларга берәмләп чәчәбез, 7-8 июньдә ачык грунтка күчереп утырткач, өстен томалыйбыз.

Редисны теплицага 10-11, ачык грунтка 18-21 апрельдә, 4-5 майда чәчәбез. Порей суганын 12-15 февральдә чәчәбез, кәлшәсен 25 апрельдә түтәлгә күчерәбез. Кыяк суган үстерү өчен чемчекләрне теплицага 10-11 апрельдә, баш суган үстерү өчен ачык грунтка 4-5, 9 майда утыртабыз. Бәрәңгенең иртә өлгерешлесен 28-29 апрельдә, калганнарын 10-12, 20 майда утырту хәерле.

Базиликны вак савытларга 4-5, 9-12, 15-18 майда чәчеп, бер айлык рассадасын томат араларына, ачык грунттагы түтәлгә күчереп утыртабыз. Ногыт борчагы, гади борчак, фасольне,җир җылына төшкәч, 20-24 майда ачык грунтка чәчәбез. Кишер, петрушканы 13-14 апрельдә ачык грунтка чәчәбез. Чөгендернең рассадасын үстереп алу өчен, теплицадага 20 апрельдә, 11-12 майда ачык грунтка турыдан-туры чәчәбез. Соң чәчкәне кышын яхшы саклана.

Хәмидә Гарипова, Казан