Шәһри Казан

«Казань» аэропортында тоткарланган рейс пассажирлары өчен «кайнар линия» эшли башлады

«Казан» һәм «Бигеш» аэропортларында рейслары тоткарланган пассажирлар өчен «кайнар линия» ачылды.

Бүген Роспотребнадзор белгечләре 18.00 сәгатькә кадәр начар һава торышына бәйле рәвештә авиарейслары тоткарланган пассажирларның теләсә нинди соравына җавап бирергә әзер. Бу хакта күзәтчелек органының матбугат хезмәте хәбәр итә.

Мөрәҗәгатьләр 8 (917) 224-87-94 «кайнар линия» телефоны буенча кабул ителә. Моннан тыш, кулланучылар 221-90-16 телефоны буенча ТР Гигиена һәм эпидемиология үзәге кулланучылары өчен консультация үзәгенә шалтырата ала.

Моңа кадәр агентлык бүген шәһәрне каплаган буран аркасында «Казан» Халыкара аэропортында рейслар тоткарлануына бәйле фактлар хакында хәбәр иткән иде.

Реклама

Шунысын да искәртик: бүген "Казан" халыкара аэропортында буран аркасында 7 рейс тоткарланган. Бу хакта "Татар-информ" агентлыгына аэропортның матбугат сәркатибе Гадел Гатауллин хәбәр итте.

Татар-информ

 

Нравится
Поделиться:
Реклама
Комментарии (0)
Осталось символов: