Казанда 9395 кешене “эвакуация”ләргә мөмкиннәр
Һава температурасы ноль градустан 3 һәм 7 градуска кадәр күтәреләчәк. Казан шәһәр Башкарма комитетының гражданнарны яклау идарәсе җитәкчесе Фердинант Тимурханов “эшлекле дүшәмбе” киңәшмәсендә сөйләгәнчә, су басуларны киметү максатында, шәһәр эченнән кыш дәвамында 900 мең тонна кар чыгарылган инде.
Һава температурасы ноль градустан 3 һәм 7 градуска кадәр күтәреләчәк. Казан шәһәр Башкарма комитетының гражданнарны яклау идарәсе җитәкчесе Фердинант Тимурханов “эшлекле дүшәмбе” киңәшмәсендә сөйләгәнчә, су басуларны киметү максатында, шәһәр эченнән кыш дәвамында 900 мең тонна кар чыгарылган инде.
Татарстан башкаласында язгы ташулар 20 марттан соң күзәтелә башлар, дип уйланыла.
“Шәһәр күперләре” муниципаль унитар предприятиесе Киндери, Вертлевка, Нокса һәм Коры елга елгаларындагы күперләр асларын чистарткан. Төрле урыннарда төзелгән 34 җәяүлеләр җир асты кичүләре тирәләре кардан арындырылган. Гидротехник корылмалар тикшерелгән. Хуҗасыз 20 буа һәм күл, шул исәптән, Константиновка, Чебокса, Богородское бистәләрендәге күлләр су басуларга китерүе ихтимал. Узган ел Константиновкадагы һәм Чебоксадагы плотиналар “Водоканал” муниципаль унитар предприятиесе карамагына кертелгән. Әлеге плотиналардагы су яз-көз тиешле биеклектә тотыла.
— Башкалада 337 шәхси өйгә су басу куркынычы яный (аларда 976 кеше яши). Гривская урамындагы һәм “Волжская гавань” торак комплексының Запрогонная белән 2 нче Иске Аракчино урамындагы йортлар су басу ихтималы зонасына урнашкан. Бу урамнар тәүлек буена күзәтчелеккә алынды,-диде Фердинант Тимерханов.
Казандагы су басу куркынычы булган территорияләр картасы һәм киңәшләр шәһәр Башкарма комитеты сайтында “Управление гражданской защиты” бүлегендә бирелгән. Су баса калса, шәһәрнең барлык территорияләреннән 9395 кешене вакытлыча күчерү өчен 20 пункт билгеләнгән.
Татарстанда 12 мартка кар катламы 54 сантиметрны тәшкил иткән, бу соңгы еллардагы күрсәткечтән 20 сантиметрга биегрәк. Казанда кар катламы 67 сантиметрга җиткән иде. Карда су запасы уртача күрсәткечтән 1,5 мәртәбәгә күбрәк. Җирдә туң катламы 46 сантиметр.
Комментарийлар