Казанга Владимир Путин килде

Россия Президенты Владимир Путин Казанга килде. "Казан" халыкара аэропортында аны Татарстан Президенты Рөстәм Миңнеханов каршы алды.

Владимир Путинның Казанга сәфәре, әлбәттә, WorldSkills Kazan 2019 эшче һөнәрләр буенча дөнья чемпионатын ябу тантанасында катнашу белән бәйле. Ярышлар Татарстан башкаласында 22-26 август көннәрендә узды.

Сәфәр барышында Илбашы яшь һөнәрчеләрнең Россия җыелма командасы әгъзалары белән, шулай ук WorldSkills International президенты Саймон Бартли белән очрашуы планлаштырылган.