Шәһри Казан

Кеше бәхетсезлегендә бәхет корып буламы?

Ата-ана өчен бала – бәгырь ите, диләр. Туганда кендек җепләре белән бәйләнгән ана белән бала арасы исә бүген дә галәмнең ачылып бетмәгән сере, табышмагы булып кала бирә.

Нәни генә җан иясен тугыз ай карынында күтәреп йөрткән, аңа яшәү бүләк иткән ананың хакын бернинди бизмәннәргә дә салып үлчәп булмыйдыр. Әмма бу җиһанда яхшылык белән яманлык гел янәшә йөри шул, кызганычка. Ана белән баланы тоташтыручы күзгә күренмәс илаһи якынлык җепләрен дә какшатучылар, усал ниятле кешеләр тормышта еш очрый.

Фәридә – ике баһадирдай малайга тормыш бүләк иткән ана. Фәрите белән яшьлектә кавышып, бик матур гына гомер кичерә алар. Фәридә озак еллар җаваплы хезмәтләр башкара. Фәрите дә төшеп калганнардан түгел. Сабыйларын да үз үрнәкләрендә тәрбияләп, укытып, фатихаларын биреп, олы тормыш юлына аяк бастыралар. Ике уллары да гаилә кора. Үзләре исә инде лаеклы ялда, сөенеп-шатланып яшисе дә бит, әмма матур гына гомер итеп яткан олы улларының гаилә тормышы кителә башлый бер көн. Үз тормышы барып чыкмаган бер ханым гаилә башлыгының башын әйләндерә. Ирнең йөрәген яулап алып, хатынына, балаларына каршы куя. Нәрсә бу? Вөҗдансызлыкмы, әллә бәхетлеләрдән шул рәвешле үч алу ысулымы? Белмәссең. Ни генә булмасын, гаиләне таркатып, ике баланы ятим итүгә ирешә явыз хатын. Үзе дә гомерен балаларга белем бирүгә багышлаган кеше бит югыйсә. Акча, байлык яратучы ханым ирнең фатирының яртысын үз исеменә яздыртып куюга ирешә. Бернинди өлеше булуга карамастан! Чөнки ир белән законлы рәвештә кавышмаган булалар.

Реклама

Фәридә белән Фәрит исә улларының нинди ахмаклык кылуын очраклы рәвештә генә белеп алалар. Гомер буе җыйган акчаларына сатып алып биргән фатир була ул. Кем уйлаган, көннәрдән бер көнне чит хатынның маңгай тире түгеп алынган фатирга кереп утырыр дип. Хәйләкәр хатынга шул фатирда хуҗабикә булып, шунда ир белән гомер итү кирәк тә булмаган икән бит. Эшнең тирәнгә китүен чамалап алуга, фатирның үзенә язылган өлешен балигъ булмаган, ияртеп килгән баласына яздырып, табанын ялтыратыр идеме ул, шулай булмаса? Ыгы-зыгы моның белән генә бетми әле. Хатын, суд аша, баланың өлешен акчалата түләтүне даулый башлый һәм теләгенә ирешә. Мескен ата-ана кабаттан улларына ярдәмгә килә. Пенсия акчаларын җыештырып, мәкерле хатын кулына тоттыра.

Әлеге шаккаткыч хәлләр Фәридә белән Фәритнең саулыгын шактый какшата. Улларының ялганчы кармагына эләгүе җаннарын талкый аларның.
Кеше бәхетсезлегендә бәхет корып булмый, дигән бик тә хикмәтле гыйбарә яши безнең халыкта. Ярый уллары бу хатыннан котылып калды. Тагын күпме ирләр ул вөҗдансызның кармагына кабар? Ирне ир иткән дә, юк иткән дә хатын, диләр. Безгә бит Ходай тарафыннан гаилә учагын саклау, иман, игелек тарату кебек вазифалар йөкләнгән.

Шуңа да, гүзәл затлар, диләр безне. Ә инде борын-борыннан килгән әдәп-әхлак кагыйдәләренә төкереп, менә дигән гаиләләрне җимереп, башкалар хисабына баеп, типтереп яшәүчеләрне ничек җир күтәрә икән? Баласы өчен җанын ярып бирергә әзер торган ата-ананы рәнҗетеп, төзәтеп булмастай гөнаһ кылып яшәүчеләр кайчан да булса бер җәзасын алыр, әлбәттә. Рәнҗеш җиде буынга кадәр бара, диләр бит.
Әлеге хәлләр чынбарлыкка нигезләнеп, исемнәр үзгәртелеп, гыйбрәт өчен язылды. Мондый хәлләр башкаларга сабак булсын! Ялгышлардан сакланып яшик!

Гөлчәчәк Садретдинова, Азнакай шәһәре.

Фото: fotostrana.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    305
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    674
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    341
    2
    2
  • 19 февраля 2018 в 16:43
    Корея кояшы астында безгә бәхет елмаермы?
    Җиңгән очракта – гимн, җанатарларга трибунадан болгар өчен флаг юк дип тормый инде спортчыларыбыз, акрынлап булса да, Олимпия медальләре өчен көрәшүен дәвам итә.
    69
    0
    0