“Халкым ядкарьләре"н балалар күңеленә сеңдерәбез

Әлеге чараның максаты булып балаларны милли җәүһәрләребез һәм аларның тарихлары белән таныштыру, кыйммәтле мирас икәнлегенә төшендерү, аларны сакларга кирәклеген ассызыклау тора иде. Татар әбие киемендәге китапханә мөдире Галиәкбәрова Р.Х. сабыйларга борынгы җәүһәрләр, рухи ядкарьләр иленә сәяхәт оештырды, кул эшләнмәләре, сандыгында ятучы хәзинәләре белән таныштырды.

Әби милләтебезнең төсе булган сөлгеләре, ашъяулыклары, кулъяулыклары, яулыклары, изү, калфак, түбәтәй, күн читек, чүәктәге татар халкының гүзәл үрнәкле орнаментлары турында сөйләде. Күргәзмәдә ниләр генә юк иде: тәбәлдерек, соса, җилпүч, сырлы бәләк, кайчы, каба тарагы, киерге, орчык, чүлмәк, чабылдык, үрелгән кәрзин, фонарь, гармун, чабата, күлмәк, шәл, чулпылар, алка, беләзек һ.б. Һәрберсенә аерым туктап әби аларның тарихын һәм кулланышлары турында сөйләде. “Сөлгем”, “Каюлы читек”, “Гармун” шигырьләрен, Фарсель Зыятдиновның “Читекле кәтүк” хикәясен дә балалар бик кызыксынып тыңладылар. Чара “Без яулыклар юабыз” уены белән тәмамланды.

Китапханә мөдире

Галиәкбәрова Резеда.