Киләсе атнада Татарстан халкын нинди һава торышы көтә?

Урыны белән яшенле яңгыр һәм тизлеге секундына 15-18 метрга кадәр җитәчәк җил булыр дип фаразлана.

Дүшәнбе, 27 июльдә, Татарстанда түбән атмосфера басымы йогынтысында кыска вакытлы яңгырлар һәм яшенле яңгырлар булуы ихтимал. Төнлә һава температурасы 11дән 16 градуска кадәр җылыначак. Көндез  исә 21... 26 градус җылы булачак.

28 июльдә  республикада һава торышын антициклон билгели башлаячак. Явым-төшемнәр көтелми. Көндез температура 22... 27 градуска кадәр күтәреләчәк.

Синоптиклар фаразлавынча, 28 июль көнне, төнлә югары атмосфера басымы йогынтысы сакланачак.  Тик көндез үк кыска вакытлы яңгырлар һәм яшенле яңгырлар явачак. Көндез 23 градустан 28 градуска кадәр җылы булуы көтелә.