16+

Лилия Галимова: “Мәрҗани исемендәге институт ябылмый"

Татарстан Фәннәр академиясе президенты Мәкъзүм Сәлахов әйткәнчә, Тарих институты Археология институты белән кушылырга мөмкин, алар элек тә бергә булган. Тарих институтына структур үзгәрешләр кертелмәячәк, бер галим дә кыскартылмаячак, дип ышандырган Мәкъзүм Сәлахов.

Лилия Галимова: “Мәрҗани исемендәге институт ябылмый"

Татарстан Фәннәр академиясе президенты Мәкъзүм Сәлахов әйткәнчә, Тарих институты Археология институты белән кушылырга мөмкин, алар элек тә бергә булган. Тарих институтына структур үзгәрешләр кертелмәячәк, бер галим дә кыскартылмаячак, дип ышандырган Мәкъзүм Сәлахов.

Коронавирус чигенә
Татарстанда коронавирус йоктыручылар саны кимүгә бара – 28 майга коронавирус инфекциясенең 60 яңа очрагы теркәлгән. Авыруларның 12се сырхауханәгә салынган, калганнары өй шартларында дәвалана. Республикада коронавирустан 124 кеше савыгып чыккан. Коронавирусны кешеләр үзара аралашу сәбәбендә йоктырганнар. Шулардан: Казанда - 21, Чаллыда - 12, Әлкидә - 3, Арчада - 1, Әтнәдә - 4, Биектауда - 2, Түбән Камада - 11 һәм Сабада - 1.

Күчтәнәчләр әле бетмәде
Үзбикләнү режимы әле тулысынча бетерелмәде, шунлыктан волонтерлар өлкәннәргә, физик мөмкинлекләре чикле кешеләргә булышуны дәвам итә.

Татарстан Президенты Рөстәм Миңнеханов коронавирус пандемиясе вакытында мохтаҗ гаиләләргә ярдәм күрсәтү зарурлыгы башлангычы белән чыккан иде.
Казан Кремленең рәсми вәкиле Лилия Галимова сөйләгәнчә, республикада 55 мең гаиләгә, ялгызак пенсионерларга, инвалидларга азык-төлек тупланмасы таратыла. Азык-төлек тупланмасының икенче партиясен өләшү башланды. Күчтәнәчләр әле тагын ике мәртәбә таратылачак.

Рамазан аенда Татарстаннның диния нәзарәте һәм “Ярдәм” мәчете 180 мең кешегә ифтар күчтәнәче тараткан. “Ана һәм бала киләчәге” православие дини җәмгыяте дә 166 гаиләгә азык-төлек белән ярдәм иткән.

Президент химикларны котлый
Химикларның һөнәри бәйрәме уңаеннан, Татарстан Президенты Рөстәм Миңнеханов “Казан органик синтез” заводында була. Ул коллектив эшчәнлеге һәм үсеш проектлары белән танышачак. Казан Кремленең рәсми вәкиле Лилия Галимова сөйләгәнчә, республикада Химиклар көне Түбән Кама шәһәрендә зурлап билгеләп үтелә торган булган. Коронавирус пандемиясе сәбәпле, быел колачлы чаралар оештырылмый.

Татарстан Президенты Рөстәм Миңнеханов «Казан органик синтез» заводында видеоэлемтә аша республиканың әйдәүче тармагы булган химия тармагында эшләүчеләрне һөнәри бәйрәмнәре белән котлый.

Тарих институты ябылмый
Шиһабетдин Мәрҗани исемендәге тарих институтының ябылачагы турында сүзләр таралган. Указ да чыгарылган, имеш.

Әлеге мәсьәләгә Казан Кремленең рәсми вәкиле Лилия Галимова: “Мәрҗани исемендәге институт ябылмый, бернинди Указ да юк. Институтны тагын да камилләштерү турында гына сүз барырга мөмкин”, – дип җавап кайтарды.

Лилия Галимова Татарстан Фәннәр академиясе президентының да аңлатма биргәнлеген искәртте. Татарстан Фәннәр академиясе президенты Мәкъзүм Сәлахов әйткәнчә, Тарих институты Археология институты белән кушылырга мөмкин, алар элек тә бергә булган. Тарих институтына структур үзгәрешләр кертелмәячәк, бер галим дә кыскартылмаячак, дип ышандырган Мәкъзүм Сәлахов.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading