Шәһри Казан

Әлфия Авзалованың кызы Зөлфия: «Әнине яныбызда итеп тоям»

Габдулла Тукай исемендәге Татар дәүләт филармониясендә легендар җырчыбыз Әлфия Авзалованың тууына 85 ел тулуга багышланган искә алу концерты узды.

Алып баручылар – Замирә Рәҗәпова һәм Ришат Әхмәдуллин алдан ук кисәтеп куюларынча, әлеге кичә сагышлы, тамашачыларны елатып утырта торган гына булмады. Ул моңландырды да, елмайтты, истәлекләрне дә барлады.

 Артистлар арасында Әлфия Авзалованың чын яше турындагы сүзләр еш ишетелә иде. Легендар җырчыны һәрвакыт зурлаган һәм хөрмәт иткән Россиянең атказанган, Татарстанның халык артисты Салават Фәтхетдинов әлеге концертта исә “моң патшабикәсе”нең «сер»ен чиште.
– Әлфия апаның 85 яше, тик бу – Кытай календаре буенча гына. Аның чын яшен мин һәм кызы Зөлфия белә. Бик кызыксынсагыз – әйтербез. Әгәр киләсе елга Әлфия апаның 90 еллыгын уздырсак, аптырамассыз. Сез белгәне – 85. Без белгәне – 89, – диде.  


   
Салаваттан тыш, концертта эстрадабызның популяр җырчылары Башкортстанның һәм Татарстанның халык артисты Айдар Галимов, Татарстанның атказанган артистлары Филүс Каһиров һәм Раяз Фасыйхов, Асылъяр, Чулпан Йосыпова, Сиринә Зәйнетдинова, “Артур-Марат” дуэты һәм өметле, талантлы яшь башкаручылар – Эльмира Гыйльфанова белән Рафил Җәләлиев, Энҗе Шәйморзина, Илгиз Мөхетдинов һәм башкалар чыгыш ясады.  Кичәдә шулай ук күренекле шәхесләр Әлфия Авзалова турындагы матур истәлекләре белән уртаклашкан видеозмалар да зур экраннарда күрсәтелде. Мәсәлән, Россиянең һәм Татарстанның халык артисты Зилә Сөнгатуллина бөек җырчы турында менә нәрсә диде.

– Әлфия апа җырчы гына түгел, ул актриса да иде. Чөнки ул концертта төрле булган хәлләр, мәзәкләр сөйләп, безне көлдереп, күңелләрне күтәрә иде. Әлфия апа минем өчен Татарстаныбызның, эстраданың символы. Аның үз-үзен тотышы, оптимизмына сокланырлык иде. Хәзер: «Эстрада нинди булырга тиеш. Аны ничек үзгәртик?», – диләр. Үзгәртергә кирәкми. Шундый зур шәхесләрнең репертуарын, аның сәнгатен өйрәнергә кирәк. Бу яшьләр өчен зур мәктәп.

Кичәдә Татарстанның беренче Президенты, Татарстанның Дәүләт киңәшчесе  Минтимер Шәймиев үзе булмаса да, видеоязма аша Әлфия апа турындагы матур сүзләрен җиткерде.

– Әлфия Авзалова – татар халкының лаеклы кызы. Бездән аның исемен мәңләштерерлек итеп гамәл кылу сорала. Мин аңа якын итеп Әлфия дип эндәшә идем. Аның тормыш юлын күзалласак, ирексездән, бөек Тукаебызның шигырь юллары искә төшә.

Азмы какканны вә сукканны күтәрдем мин ятим,
Азрак үстерде сыйпап тик маңгаемнан милләтем.

Реклама

Безнең киң күңелле милләтебезнең олы җанлы кешеләре үз вакытында аңа белем алырга, үсәргә ярдәм иттеләр. Зур рәхмәт барысына да. Иң мөһиме, әлбәттә, Әлфиянең үз таланты, тырышлыгы, кыюлыгы, чаялыгы, барлык каршылыкларны җиңеп баручы иҗади омтылышы. Ул үзенең дәртле, моңлы җырлары белән Җир йөзенә сибелеп яшәүче милләттәшләребезне берләштерде. Җырның тәмен, кадерен белеп, үз йөрәге аша җиткерә ала иде. Татар халкы аңа мең рәхмәтле булачак. Бүген Әлфиягә багышланган сүзләребез аның рухына дога булып барып ирешсен иде, – диде ул.  

Кичәдә Татарстанның Премьер-министры урынбасары, Милли Шура рәисе Васил Шәйхразиев, Казан мэры Илсур Метшин, Татарстан мәдәният министры Айрат Сибагатуллин, Татарстанның финанс министры Радик Гайзатуллин да бар иде. Шулай ук Әлфия Авзалованың якын дуслары, музыкантлар Сания һәм Кәрим Габидуллиннар, җырчы белән озак еллар бергә эшләгән баянчы Кирам Сатиев та килгән иде.  

– Әлфия апа сәхнәгә чыгар алдыннан бик дулкынлана, борчыла иде. Әгәр бүген сәхнәгә чыгарга әзерләнсә, мин аңа: «Концертка сине яраткан тамашачы гына килде. Син борчылма», – дип әйтер идем. Ул ихластан: “Шулаймы?” – дип сорар иде. Гадәттә, гел шулай була иде, – диде Сания ханым безгә. – Бүгенге концерттан да ул бик канәгать калган булыр иде. Барысын да бик яратып, “тәмле” итеп карап утырыр иде. Концертта аның яраткан бөтен җырлары да яңгырады. Без бергә утырганда ул еш кына “Кыз бала” һәм “Тәнәкәй”не башкара иде.

Әлбәттә инде, әлеге җылы, матур тамашага «моң патшабикәсене»нең гаиләсе – кызлары Гүзәл һәм Зөлфия, оныклары да килгән иде.

– Бүгенге концертны мин елап та, елмаеп та, көлеп тә карап утырдым. Күңелгә үтеп керә торган булды. Оештыручылары яхшы булса да, әнисез үткән концерт икәнлеге сизелде. Шулай да мин әнине үзебезнең янда итеп тоям. Ул үзенең җырларын җырлауларына сөенәдер. Миңа калса, яшь буын барыбер шушы җырларга, миллилеккә кайтачак әле, – диде Зөлфия ханым “Шәһри Казан” хәбәрчесенә.

Илдар Мөхәммәтҗанов фотолары

Нравится
Поделиться:
Реклама
Комментарии (1)
  • noname
    17 января 2018 в 12:51
    Миңә концерт бик оҡшаны ,ҙур рәхмәт барыһынала .
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    303
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    673
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    341
    2
    2
  • 19 февраля 2018 в 16:43
    Корея кояшы астында безгә бәхет елмаермы?
    Җиңгән очракта – гимн, җанатарларга трибунадан болгар өчен флаг юк дип тормый инде спортчыларыбыз, акрынлап булса да, Олимпия медальләре өчен көрәшүен дәвам итә.
    68
    0
    0
  • 20 февраля 2018 в 09:50
    «Игелек кәрҗине»н бергәләп тутырыйк Казанда 3 мартта ягъни шимбә көнне “Пятерочка”, “Перекресток” һәм “Карусель” кибетләрендә 14.00-18.00 сәгатьләрдә “Игелек кәрҗине” хәйрия чарасы үткәрелә. Бу яңалык “Татар-информ” мәгълүмат агентлыгында әйтелде.
    25
    0
    0