Лия унынчы тапкыр әни булды!

Биектау районында яшәүче Камашевлар гаиләсендә шатлыклы вакыйга. Шушы көннәрдә аларның унынчы балалары туды. Лия белән Алексей гаиләсендә 9 бала тәрбияләнә иде инде, менә тагын бер малай дөньяга аваз салды. 
Тапкан ана түгел, баккан ана дип юкка әйтми, безнең халык. Бу сүзләр Лия Камашева хакында әйтелгән кебек. 10 баланың 6сын алар үз гаиләләренә сыендырган. Бүген аларның гаиләсендә 7 малай, 3 кыз - Лев, Илмир, Елизавета, Әнвәр, Ислам, Ралина, Азалина, Айнур, Семен, Тимофей бар. Олы уллары Лев аграр университетта белем ала.

Әлеге гаилә турында укырга: 9 бала әнисе Лия Камашева: «Һәр бала үз мәшәкате, үз бәхете белән туа...»