#Язмалар 02 января 2018, 10:35

Ләйсән Гыймаева: «Булаттан бүләк сорап алганым юк»

02 января 2018, 10:35

– Безнең Яңа ел башка кешеләрнекеннән аерылмый: өйдә балалар белән каршы алабыз. Көне буе бергәләп табын әзерлибез, күңел ачабыз, сәгать төнге 12 тулгач, урамга чыгып, салют аттырабыз. Кайчак әниләр дә безгә кунакка килә.

Скопировать ссылку

Ләйсән Гыймаева: «Булаттан бүләк сорап алганым юк»

Зур кызыбыз Кыш бабай барлыгына ышанмый, 12 яшьтә кайсы бала ышансын инде?! Ә Зифабыз әле көтте, уенчыклар алып килергә заказ бирде. Ә минем беркайчан да бәйрәмгә Булаттан бүләк сорап алганым юк. Һәрчак үзе нәрсә кирәген белеп ала. Бәйрәмдә генә түгел, гади көннәрдә дә мине сөендерә белә ул.

Бер елны Булат өйгә Кыш бабай булып киенеп кайтып керде. Балаларны котлады, биетте, шигырь сөйләтте. Олы кызыбыз әтисен таныган, әмма сеңлесенә сиздермәде. Аннары, Булат янына килеп: «Әти, мин сине тавышың буенча таныдым», – диде. Без, үскәндә, самимирәк идек, ә хәзерге балалар бик үткен: аларны алдавы җиңел түгел.

Кызыклы яңалыкларны күзәтеп бару өчен Телеграм-каналга кушылыгыз.