16+

Мәләкәс фаҗигасе: Тикшерү комитетының үз версиясе бар

Кайбер массакүләм мәгълүмат чараларында Тукай районында ике хатын-кызны үтерү факты буенча җинаять эшен тикшерү барышы турында дөреслеккә туры килмәгән хәбәрләр таралды. Янәсе, ике хатын-кызны үтерүдә шикләнелүче ир үзе үк башка затлар тарафыннан үтерелгән һәм барлык гаепне аңа ягып калдырырга телиләр, Россия Тикшерү комитетының Татарстан Республикасы буенча тикшерү идарәсе бу версиянең чынбарлыкка туры килмәвен хәбәр итә.

Мәләкәс фаҗигасе: Тикшерү комитетының үз версиясе бар

Кайбер массакүләм мәгълүмат чараларында Тукай районында ике хатын-кызны үтерү факты буенча җинаять эшен тикшерү барышы турында дөреслеккә туры килмәгән хәбәрләр таралды. Янәсе, ике хатын-кызны үтерүдә шикләнелүче ир үзе үк башка затлар тарафыннан үтерелгән һәм барлык гаепне аңа ягып калдырырга телиләр, Россия Тикшерү комитетының Татарстан Республикасы буенча тикшерү идарәсе бу версиянең чынбарлыкка туры килмәвен хәбәр итә.

Исегезгә төшерәбез, тикшерү версиясе буенча, 2022 елның 23 гыйнварында Мәләкәс авылындагы йортта шикләнелүче 20 яшьлек хатынын һәм аның 18 яшьлек туганнан туган сеңлесен үтергән. Шуннан соң әтисенең ике ау мылтыгын алып, Алабуга районына киткән, анда машинасын тукталышта туктатып, үз-үзенә кул салган. Әлеге факт буенча Россия Федерациясе Тикшерү комитетының Татарстан Республикасы буенча тикшерү органнары тарафыннан РФ Җинаять кодексының 105 маддәсенең 2 нче пунктында каралган билгеләр буенча (ике яки аннан күбрәк кешене үтерү) җинаять эше кузгатылган.

Хәзерге вакытта Мәләкәс  авылында видеокүзәтү камерасыннан язма алынган, аны өйрәнү нәтиҗәләре буенча, тикшерү шикләнелүчедән кала, коточкыч фаҗига булган  көнне беркем дә өйгә кермәгән һәм аннан чыкмаган, дигән нәтиҗәгә килә. Моннан тыш, машинаны тикшерү нәтиҗәләре буенча, ир-ат үз-үзенә кул салган, шулай ук суд-медицина экспертизасының беренчел мәгълүматлары буенча, автомобильдә ул берүзе булган. Хәзерге вакытта җинаять эше буенча берничә экспертиза билгеләнгән, шул исәптән хатын-кызларны үтерү коралларына генотипоскопик экспертиза билгеләнгән.

Шулай ук җинаять эшен тикшерү барышында шикләнелүченең җинаятьчел эшчәнлегенең өстәмә эпизоды ачыклануын да билгеләп үтәргә кирәк. Кызларны үтергәннән соң ир-ат Чаллы шәһәренә китә, анда игълан буенча массаж хезмәте күрсәткән 47 яшьлек хатын-кыз белән таныша. Аның янына килгәч, ул аны көчли. Әлеге факт буенча РФ Җинаять кодексының 132 маддәсенең 1 өлеше буенча (сексуаль характердагы көчләү гамәлләре) җинаять эше кузгатылган.

Россия Тикшерү комитетының Татарстан Республикасы буенча тикшерү идарәсе тикшерү барышы турында мәгълүматны тарату бары тик җинаять эше булган тикшерү комитеты компетенциясенә генә карый дип искә төшерә. Тикшерүнең дөрес нәтиҗәләре җәмәгатьчелек игътибарына җиткереләчәк, диде безгә Россия тикшерү комитетының Татарстан Республикасы буенча Тикшерү идарәсе җитәкчесенең өлкән ярдәмчесе Андрей Шептицкий.

Язмага реакция белдерегез

2

0

0

0

0

Реакция язылган инде

Комментарийлар

Мөһим

loading
2
X