Шәһри Казан

Олимпия уеннарында көмеш медаль яулаган Казан кызы Евгения Тарасовага 12 яшеннән үк кемнәр «күз атып» йөргән?

Казанның Дәрвишләр бистәсендә туып – үскән спортчы кыз Евгения Тарасова бу көннәрдә, Олимпия уеннарында партнеры Владимир Морозов белән фигуралы шуу буенча көмеш медаль яулады. Бу – Татарстан өчен дә тарихи җиңү. Евгения безнең республикага кышкы Олимпия уеннарында беренче медален китерде.

– Спортчыларның Олимпиадага әзерлек шартларын искә алсак, бу көмеш медаль безнең өчен алтынга тиң, – ди Евгениянең җиңүе турында Татарстан яшьләр эшләре һәм спорт министры Владимир Леонов.
Сүз уңаеннан, нәкъ менә Владимир Леонов – Евгениянең Олимпиадада Татарстан исеменнән чыгыш ясавына ирешкән, аны республикага «кайтарткан» кеше.

Евгения әнисе белән әбисе тәрбиясендә үскән гап-гади Казан кызы. Әнисе хисапчы булып эшли, бүген дә Казанда яши. Ул Евгенияне дүрт яшеннән фигуралы шууга бирә. Кызның беренче тренеры – Вячеслав Головлев. Казанның 1нче урта мәктәбенә спорт сыйныфына сәләтле балалар җыйганда, аны тренер Геннадий Тарасов күреп алган һәм үзенә чакырган булган. Бүгенге көндә үзе исән булмау сәбәпле, без аның хатыны Елена Тарасова белән элемтәгә кердек. Аның сүзләренчә, тренеры инде кечкенә вакытында ук Евгенияның зур үрләргә ирешәчәген белгән.

Реклама

– Бөтен бала да башта киреләнә, холкын күрсәтә, иренә. Ләкин Евгения бик тырыш кыз иде. Аз сөйләшеп, күп эшләде. Тренеры әйткән бөтен сүзне дә сеңдереп барды. Дәшми-тынмый, күзләрен зур итеп ачып тыңлап тора иде. Баланың тырышлыгын күреп, ирем аны өстәмә рәвештә олылар белән бергә әзерли башлады. Менә шулай үсеп китте ул безнең Евгения, – дип сөйләде Елена Тарасова.

15 яшьләр тирәсендә Евгения үз теләге белән, Мәскәүгә күченә. Аның парлы фигуралы шуу белән шөгыльләнәсе килгән, ә Казанда андый мөмкинлек булмаган.

– Безнең дә, әнисенең дә аны читкә җибәрәсе килмәде. Ул инде ялгыз шууда зур җиңүләр яулый башлаган иде. Ләкин Евгенияга инде 12 яшеннән башка спорт мәктәпләре дә «күз атып» йөрде. «Гәүдә төзелеше парлы шууга бара, безгә бирегез!» – дип, тренеры белән дә сөйләшүләр күп булды. Спортчы егетләр дә партнер буларак Евгенияга кызыкты. Без бу турыда озак уйладык. Хатыныңның нинди буласын беләсең килсә, әнисенә кара диләр бит әле, без дә Евгенияның әнисенә карадык – ул кечкенә генә, төз гәүдәле. Димәк, Евгения да җыйнак булачак. Ә бу – парлы шуу өчен иң мөһим шарт. Менә шуларны җентекләп уйладык та кызны Мәскәүдәге яхшы тренерлар кулына тапшырдык. Ләкин бүген дә аның бер чыгышын да калдырмый күзәтеп барам, – диде Елена Тарасова.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    208
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    586
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    322
    2
    2