#Язмалар 29 января 2019, 15:15

Пенсия 8232 сумнан да азрак булмаска тиеш!

29 января 2019, 15:15

1 февральдән барлык федераль түләүләр дә артачак. Татарстан пенсия бүлегенең социаль түләүләр бүлекчәсе җитәкчесе Марина Ермохина әйтүенчә, Татарстанда 59 меңнән артык пенсионер федераль түләүләр ала.

Скопировать ссылку

Пенсия 8232 сумнан да азрак булмаска тиеш!

Кагыйдә буенча кешенең пенсиясе пенсионерлар өчен төбәктә билгеләнгән яшәү минимумыннан азрак булмаска тиеш. Татарстанда пенсионерлар өчен яшәү минимумы бүген 8232 сумны тәшкил итә. Сүз уңаеннан, бу сумма инде икенче ел үзгәрми. Пенсиясе яшәү минимумы суммасына җитеп бетмәгән кешеләргә, федераль түләүләр каралган.

1 февральдән социаль хезмәтләр җыелмасы суммасы да 4,3 процентка артачак. Ул 1121 сумны тәшкил итәчәк. Социаль пакет берничә өлештән тора: сумманың 863 сумы – ташламалы дарулар, 133 сумы – шифаханәгә юллама алу, 124 сумы– тимер юл транспортында, шәһәрара транспортта дәвалану урынына барып кайту өчен юлда бушлай йөрү өчен түләнә. Кеше әлеге хезмәтләрдән файдаланырга яки аны акчага алыштырырга да мөмкин. Әлеге ярдәм федераль ташламага ия кешеләргә: сугыш ветераннары, инвалидлар, хәрби хәрәкәттә катнашучыларга, сугышта яраланучыларга бирелә. Андыйлар республикада 340 меңнән күбрәк санала.