Шәһри Казан

«Болгар радиосы»ның V Милли музыка премиясен тапшыру тантанасы турында 10 ФАКТ

Кичә “Пирамида” мәдәни-күңел ачу үзәгендә “Болгар радиосы” V Милли музыка премиясен тапшыру тантанасы узды. Әлеге чара, гадәттәгечә, сәхнәдә иң популяр артистларны, ә залга иң зәвыклы тамашачыларны җыйды.

Чарадан тулырак репортажны сайтта һәм газетада алдагы көндә укый аласыз, ә әлегә кайбер кызыклы моментлар белән таныша торыгыз.  

1. Тантананы “Болгар” радиосы ди-джейлары Ләйсән Гарифуллина, Илфак Хафизов, Илфар Кәримов һәм Гөлназ Фәйзрахманова алып барды. 

2. Быелгы тамашада “Алтын йолдыз” сыны 32 номинациядә җиңү яулаган лауреатларга тапшырылды. 

3. Мондый чараларда, гадәттә, аранжировка ясаучылар игътибардан читтәрәк кала торган иде. Быел исә, тарихта беренче тапкыр, “Иң яхшы аранжировка остасы” дигән номинация дә булдырылган. Әлеге номинациядә “Алтын йолдыз” сыны Марат Мухинга тапшырылды.  

4. Чарада җырчылар гына түгел, ә җыр авторлары да бүләкләнде. Шагыйрь Ринат Мөслимов исә “Халык күңеленә кергән җырлар авторы” номинациясендә лауреат исеменә лаек булды.  

Реклама

5. Зәвыклы җыр бәйрәмен Татарстанның халык артисты Хәмдүнә Тимергалиева (“Татар эстрадасы легендасы” номинациясе) ачып җибәргән булса, аны ябу Татарстанның һәм Башкортстанның халык артисты Айдар Галимовка (“Халык мәхәббәте” номинациясе) тапшырылган иде. Татарстанның халык артисты Салават Фәтхетдинов исә тәнәфескә кадәр, тантананың нәкъ уртасында чыгыш ясады. Ул “Алтын йолдыз” сынын яшь җырчылар Эльмира Гыйлфанова һәм Рафил Җәләлиевкә тапшырды. Быелгы җыр бәйрәмендә Татарстанның халык артисты Зәйнәб Фәрхетдинова катнашмады. 

6. Быел “Иң иҗади төркем” номинациясе дә бар иде. Анда Ришат Төхвәтуллин һәм аның иҗат коллективы билгеләнде.

7. Тамашачылар аеруча Ришат Төхвәтуллин, Әнвәр Нургалиев, Фирдүс Тямаев, Гүзәл Уразова, Айдар Галимов, Филүс Каһиров чыгышларын яратып кабул иттеләр. Ә иң күп чәчәк бәйләмнәре Алсу һәм Азат Фазлыевлар дуэтына, Илназ Баһка эләкте. 

8. Илназ Баһ (“Иң җор телле җырчы” номинациясе) тантанада беренче тапкыр катнашты.  

9. Алсу һәм Азат Фазлыевларның костюмнары (“Иң халыкчан дуэт” номинациясе) иң истә кала торган булгандыр, мөгаен. “Байлар Сәрдегәнем” җырын башкарганда алар сәхнәгә бизәкле ап-ак киез итекләр киеп чыкты. Шулай ук тамашачы Ильвина, Салават Миңнеханов белән Гүзәлем, Илсөя Бәдертдинованың образларын да ошатты.

10. Тантанага махсус кунак – Лилия Минголова чакырулы иде.  

Илдар Мөхәммәтҗанов фотосы 

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 12 января 2018 в 11:37
    Татарстанда яшь ананы вәхшиләрчә үтерүдә гаепләнүче кулга алынган Түбән Камада чаңгы шуучы 29 яшьлек хатын-кызны үтерүдә шикләнелүче тоткарланган, дип хәбәр итә ТР Эчке эшләр министрлыгының матбугат хезмәте.
    327
    0
    0
  • 12 января 2018 в 14:42
    Эт елында этләнеп яшик?! Раштуада шәмнәр яндырып көзге алдында утырмасаң да, яңа гына башланып киткән елны фаразлавы кыен түгел. Чираттагы Кыш бабайны көткәндә, сайлаучылар алдында мескен күренергә тырышкан депутат кебек, салават күперебез дә аклы-каралы гына иде димәбез, иншалла, әмма чынбарлыгыбыз бөтенләй үк аллы-гөлле дә түгел.
    215
    0
    0
  • 12 января 2018 в 12:31
    Узган ел бәхетле булганбыз Яңа елга аяк басканда, узганына нәтиҗәләр ясау гадәте бар: бәяләр ни рәвешле уйнаган, без нихәтле яхшы яши башлаганбыз, тормыш дәрәҗәбез кай тирәдә икәнен чамалап тору кызык бит.
    109
    0
    0