Роберт Миңнуллинның кызы Таңсылу: “Зәңгәр күкләргә карап эзләрбез инде сине, рәнҗеп кенә калма, бәхил бул”

Роберт Миңнуллинның кызы Таңсылу әтиләрен хөрмәт итеп соңгы юлга озатырга килгән халыкка, әнисе, үзләре һәм оныклары исеменнән рәхмәт әйтеп, бүген киң җәмәгатьчелек татар дөньясы өчен олуг шәхесне озата, ә без иң йомшак куллы, иң нечкә күңелле, иң нурлы йөзле, иң яраткан кадерле әтиебезне озатабыз, дип белдерде.

- Без бик бәхетле балалар булдык. Бер-ике көн генә күрмәсәм дә, аны сагына идем, -  дип, әтисенә хушлашу сүзләрен җиткерде -  Әти, сине бик юксынырбыз инде. Зәңгәр күкләргә карап эзләрбез инде сине, рәнҗеп кенә калма, бәхил бул. Туфрагың җиңел, урыннарың җәннәтнең иң түрләрендә булсын.