Татарстанда коронавирус тагын 23 кешедә ачыкланган!

Бу хакта коронавируска каршы республика штабы хәбәр итә.

Шулай итеп, Татарстанда коронавирус йоктырган барлыгы 107 очрак теркәлде. шуларның 17се терелгән.

Яңа очракларның күпчелеге Казанда ачыкланган - 13 очрак. Биектауда вирусны йоктыручылар саны арту борчуга сала, моңа кадәр берәр очрак теркәлгән булса, узган тәүлек статистикасы буенча инде 5 кешедә яңа төр вирус барлыгы ачыкланган. Чаллыда - 4, Питрәчтә тагын бер очрак теркәлгән.

Әлеге 23 очракның 8е - Татарстанга читтән керүчеләрдә табылган. 15 очрак - моңа кадәр авыручылар белән элемтәдә булган кешеләр. Яшь категориясе буенча карасак, күпчелек - 10 авыру - 30 яшьтән 50 яшькә кадәр булган гражданнар.

Ә без исә янә үзизоляция шартларын бозмыйча, урамга, җәмәгать урыннарына йөрмәскә чакырабыз! Өйдә утыр - сәламәт булырсың!

Фото: https://pixabay.com/